[ehabpopo]

المشاركة الأصلية كتبت بواسطة elmanahry مبروك ايهاب باشا على صيانة الالف وعقبال الصيانة المليونية احلى حاجة احساسك ان سيادتك تعبر عن السيارة بحبيبة قلبك سمى السيارة حبيبة كانت معى فى صيانة العشرة الاف استاذة فى كلية الطب كانت تعامل السيارة بشوق ولهفة وقالت لى ان عندها سيارتين هيونداى ولا تثق سوى فى هذه السيارة وعندما انتهت الصيانة ركبت سيارتها بحب وحرص كلام سيادتك فكرنى بهذه السيدة الف مبروك وربنا يباركلك فيها وفيك

شكرا يا دكتور على مشاركتك ... وربنا يديم الصداقة بيننا .. وشكرا على دعوتك الحلوة دى ...
هى فعلا حبيبت قلبى مش هزار ولما اتخبطت عند الشغل وانا راكن فى الدقى ... كنت زعلان جدا لدرجت انى لما فوقت من الزعل بعد نص ساعة افتكرت وقلت الحمد لله فدى الاولاد ... وثالت او رابع يوم من الخبطة دبحت ... لان الفلوس ماكنتش متوفرة
ها قولك على حاجة بس دى ها تكون سر بيننا .. بس ما تضحكش علية لانى صدقتها فعلا ... ويمكن اكون صدقتها من حبى فى العربية **
كنت قاعد مع واحد معرفة كبير فى السن جدا وهو كان سواق طول عمرة ... يعنى تقدر تقول انة بيسوق من 60 سنة .. وقالى خد بالك العربيات بتسمع وبتحس ما تغلطش فيها وماتشتمهاش ... هههههههههه
انا عارف انك بتضحك دلوقتى ... بي انا صدقتة ومن وقتها وانا فى اسوء الظروف مع العربية ... مش بزعلها