[حسام البورسعيدى]

المشاركة الأصلية كتبت بواسطة xabi (ان شاء الله اغير بكره فلتر البنزين وانضف فلتر الهوا واشوف النتيجه ايه) معلش انا عندى سؤالين كمان 1.بالنسبه لمشكله حساس الايدل لو سبته شويه كده لغايه لما الاقى ميكانيكى كويس هيبقى فيها مشكله ولا ممكن يبوظ معاه حاجه كمان؟ 2.انا خايف بعد ما أعمل كل ده الاقى النتيجه ذى ما هى ..؟ هيا ممكن تكون المشكله دى مشكله اسطوانه وديسك ولا لأ..ولو هيا كده فعلا ايه الحاجات اللى تخلينى اعرف انها مشكله اسطوانه وديسك..مع العلم ان الغيارات بيتجى سهله اووى ومفيش اى مشكله.. معلش بقى تعبتك معايا اوى النهارده

لو الخنقة دى جت معاك خنقة يبقى صعب تكون مشكلة اسطوانة وديسك .. لكن لو الخنقة دى بدأت بالتدريج يبقى وارد يكون تفويت فى الاسطوانة ..

ممكن تختبر الاسطوانة بانك تحاول مثلا انك تطلع على التانى وشوف تجميع العربية للسرعة هيبقى ازاى ..

ممكن كمان تشد فرامل اليد جامد وتحاول تطلع على الاول .. لو العربية قاومت جامد وبطلت يبقى الاسطوانة معشقة كويس الحمد لله ..

بس متكررش الموضوع ده كتير علشان غلط .. اعمله مرة ولا اتنين للاختبار بس ..

عموما انا حاسس ان المشكلة هتكون من فلتر البنزين ان شاء الله .. ثم فلتر الهوا