رد: عزل السيارة من الأسفل
بالنسبة للعربية من تحت
اما تترش بيتومين
وده بيقوم بيه البوهيجي
واما بيجي لفف ورق بيتومين ( مش فاكر اسمه ) ويتسيح بالباشبوري بتاع السمكري
فيه عربيات بقى بتتصفح من تحت زي الريجاتا بس معرفش بقى هل كل العربيات ليها تصفيح والا لأ وده طبعا بيحمي اي حاجة من تحت من اي خبطات او حك في المطبات
بالنسبة لموضوع البوية
لو الحكة المعمولة جايه من بوية عربية تانية فحاول تزيلها بالماء والصابون مع حك خفيف جدا
طيب منفعش
حاول بالجاز بدون حك مجرد مسح خفيف
طيب منفعش
ثنر يدوب القطنة تشمه وتمسح بيه بسرعة لانه لو قعد على البوية هيحلها ويشيلها
ولو حصل ونقطه وقفت سيبها ومتجيييييييييييش ناحيتها خااااااااااااالص
خمس دقايقه وهيا هتطير لوحدها
وممكن تجيب قلم دوكو لو لون العربية موجود فيه نفس اللون وتديها خط خفيف ع الماشي وتسيبها
وطبعا بعد اي حاجة من دول تجيب بولش او كومبوند وتلمعها
ويا سلااااااااااام بقى لوفوق منه تخطف رجلك لغايه كارفور او اي محل كماليت وتجيب علبة شمع وتلمعها
أرجو اني اكون افدتكم
__________________
إن العين لتدمع وإن القلب ليحزن وإنا على فراقك يا خالد لمحزونون ولا نقول إلا ما يرضي ربنا إنا لله و إنا إليه راجعون
|