[3bd0]

المشاركة الأصلية كتبت بواسطة mesho70 - احنا اتعودنا على العكس - يعنى الاب يشتكى من ابنة لما يخبط العربية - اما الابن هو اللى يشتكى وكمان العربية بتاعة الحاج فدى جديدة - انت تروح تبوس ايد الحاج وش وظهرمن 5 مرات يوميا ً الى ما شاء الله - وكمان حقة عليك انة يركب ورا وانت تنزل تفتحلة الباب لما يركب ولما ينزل - انا شخصيا ً كنت بعمل مع ابى حاجة قريبة من كدة - وياريت كنت عملت اكثر من كدة ولا اقدر دلوقتى اعمل حاجة اكثر من الدعاء لله بالرحمة - فهو فى ذمة الله - فإغتم فرصة وجود والدك فى طاعة ربك ادام الله علية الصحة والعافية

طبعا يا باشا أكيد، كلامك كلو صح وأنا معاك في كل كلمة قلتها

أنا والدي ده هوا سبب وجودي في الحياه أصلا، ومن غيرو أنا ولا حاجة، صفر كبير على الشمال

الراجل جابني و علمني ورباني ومبخلش عليا بحاجة طول حياتي وكفاية بس نقطة انو جايبلي عربية في الأساس، دي حاجة كبيرة جدا وانا بحمد ربنا عليها كل يوم لأن في ناس ربنا حرمها من الحاجات دي كلها،
والدي عايش في شغل طول اليوم كل يوم وشقيان طول حياته عشان انا أعيش سعيد، مش كل الأباء بتعمل كده في الزمن ده

أنا بس كاتب الموضوع ده من باب الفضفضة لا أكثر، مش تقليل منو او قلة احترام، زي ما تقول خدت على خاطري بس من الخبطات
مكانة والدي عندي أغلى من أي حاجة في الوجود، إنشالله يروح يولع كل العربيات اللي في الدنيا، عمر ما ده يأثر على مدى حبي أو احترامي ليه


ربنا يغفر لوالدك ان شاء الله برحمته ويسكنه فسيح جناته
وشكرا ليك على مرورك