المشاركة الأصلية كتبت بواسطة احمد على 1999
و الله اعلم النصف الاول من المشكلة حيبقى له علاقة بحساس البوابة TPS ممكن على الاقل تتفك الفيشة و تتنضف وارد يكون دخلها مياه من غسيل الماتور ( بالمناسبة هل لما ابتدت تظهر المشكلة كان لسة معمول غسيل للماتور مثلا او اى اعمال صيانة اخرى ؟)
اما النصف التانى فممكن ميبقاش مشكلة بما انك كنت طالع مطلع فالعربية سقطت نقلة للحفاظ على السرعة ده طبعا بدوسة بنزين ازيد و RPM و صوت اعلى
|
لا الموتور ماتغسلش اكتر من سنة تقريبا... بالنسبة للحتة الهابطة ده هابطة مش مطلع الدواسة بدوسها صوت بيعلى كاني مدي دي اس وار بي ام عالي ومافيش سرعة وده مرة واحدة حصلت بس الاكتر انها تكون معلقة وانا ماشي يكون الار بي ام على 2 ونص مثلا او 3 وحاسس كل حاجة طبيعية اجي ادوس بنزين مالقيش ردت فعل حتى لو دوست للاخر الا لما اشيل رجلي خالص وادوس تاني ترجع طبيعية