رد: زياده اسعار معظم السيارات في مصر في شهر 4 القادم
مش عايزين نبقي ضحية للتوكيلات و التجار تاني ,مافيش حاجة بتغلي , بالعكس الاسعار بتنزل و الذكي هو اللي يلحق يخلص من المخزون اللي عندة دلوقتي قبل ما تحصل تعديلات جديدة في قواعد الاستيراد , لأن القواعد الاستيرادية القديمة كانت لمصلحة كبار رجال الاعمال ,سقط منهم من سقط و البقية تاتي في الطريق.
و معلومة من صديق يعمل باحد التوكيلات , قال ان الاستيراد متوقف في التوكيل لأحتمال صدور تعديلات جديدة لمصلحة الجمهور خلال شهور
و بديهي كدة يا شباب , كل حاجة بعد الثورة بقت بتتعدل علشان تبقي حياتنا جوا مصر افضل و احسن من الاول , يبقي اية بقي اللي حيغلي الاسعار , حتي لو الدولار طلع شوية ,فترة و حتعدي و كل حاجة حترجع احسن من الاول ان شاء الله
عايزين نتفائل ان شاء الله , لأن احتمال كبير ننسي الجملة المعتادة بتاعتنا في مصر اللي بنقول فيها "مافيش حاجة بترخص في مصر"
لأن مصر مليانة خير بس الحرامية مكانوش سايبين حاجة لينا .
|