المشاركة الأصلية كتبت بواسطة AboNoRa
يا دكتور متخوفناش اوى كده اى اكل دلوقتى فيه انواع كويسة وفيه مغشوش واى اكل فيه بكتريا او مواد قد تسبب حساسية لنسبة معينة منالناس بس ديه نسب واحتمالات ضعيفة جدا جداً لو كل واحد يراعى انة يشترى الحاجة من اماكن كويسة ومعروفة وعامة (زى السوبر ماركت الكبيرة اوالهايبر ) ديه ادارتها بتدقق جامد مع الموردين والتخزين والعرض بيبقى بشكل افضل
المشكلة الاكبر فى الاكلات ديه فى رائى اضرارها على مرضى الضغط واللى عندهم املاح زيادة واللى عندهم مشاكل فى المعدة
|
يا أبو نورا أنا بحذر من نوع معين من البكتريا......نوع خاص جدا
بكتريا البوتيولزم مش بتبقى موجودة على أي نوع أكل لأنها ليها طبيعة خاصة انها بكتريا لا هوائية يعني بتنمو وتفرز سمومها في البيئة المغلقة بعيدا عن الهواء وطبعا لما تعرف حضرتك ان الفسيخ والسردين دول بيعتمدوا على البيئة المغلقة بشكل أساسي في التخزين
على حد علمي هما بيلفوه في راقات من الملح ويخزنوه في صفائح مغلقة وناس بيقولوا بيدفنوه في الرمل!!!
فانت كده بالظبط أكنك فرشت للبكتريا سرير وبتقولها ريحي شوية!
وكمان فرق كبير جدا لما أقولك خلي بالك من مرض زي( التيفويد) مثلا وهو مرض من أمراض التسمم الغذائي وأعراضه أشبه بالنزلة المعوية
طبعا ده يختلف تماما لما أحذرك من مرض لا قدر الله ممكن يؤدي الى الوفاة نظرا لأعراضه شديدة الخطورة
ربنا يكفينا جميعا شر الأمراض