محتاج رأي ملاك السينا
السلام عليكم و رحمة الله و بركاته
أن محتاج رأيكم و مشورتكم، أنا كنت حجزت BYD F3 أوتوماتيك و أنا مقتنع بها تماماً و التوكيل بيقول إن الإستلام هيكون في أول أو نص ابريل
أنا حجبها تقسيط و هدفع حوالي 35000 مقدم،
بقالي يومين طلع في دماغي اني الغي الحجز و أدور على فيات سينا تكون إستعمال نضيف و بعد ما لفت لاقت إن سعرها في حدود المقدم إلي معايا (35000 جنيه )
أنا من عشاق العربية ده و هي كانت مع واحد صاحبي و كان مطلع عينها و برضه كانت شغالة و جت عليا فترة كانت معايا و سواقته كانت ممتعة
أنا محتاج نصيحتكم هل القرار دة صح و أوفر القسط ولا أخليني في الزيرو؟؟ و هل 35000 جنيه يجيب سينا حالتها نضيفة؟؟ و هل لو ظهر فيها حاجة أو بمعنى أصح عيوبها سهل علاجها من غير مصاريف كتير؟
|