رد: رابطة مالكى الاكسل
السلام عليكم
ربنا يخليك يا دكتر محمد
انا حاليا فى التليين ( هو حضرتك بتحط زيت ايه للموتور وبتغير كل كام )
انا مشيت بالعربيه حوالى 240 كم وباذن الله يوم السبت هروح اغير الزيت والفلتر
1-- 240 كم اغلبهم سفر عملوا 22 لتر بنزين هل طبيعي ولا مبيبانش دلوقتى ؟
2-- الزيت النهارده لقيته ناقص حوالى نص سم عن مقاسه ( اتصلت بالميكانيكي وقالى ده طبيعي لان كارتيرة الزيت كانت محلوله وفاضيه ويمكن يكون وقع زيت منى )
انا لاحظت يا بشمهندس ان الحمد لله مفيش تسريب عندى ( ما تفسير نقصان الزيت ( زيت بترومين ابيض )
3-- فى دخان ابيض فى الشكمان خصوصا وهى بارده ؟ هل ده طبيعي ولافى مشكله
4-- وانا ع الطريق السريع لاحظت انى لما بكون على سرعة 90 او 100 فيما فوق انا مشيت مثلا على 110 للحظات
لقيت الدركسيون بيترج وبيرتعش ورعشه فى الدواسه بس مش جامده ؟ ده ايه ؟ وحله ايه ؟
الحمد لله العربيه كانت ثابته ومبتعومش او تحدف؟ لكن رعشه فوق سرعه 90
5-- (( لسه خشونة التروس وصوت الوجوجه وصوت هى هى هى هى لما بتسيب بنزين موجود )) هل مشاكل الدبرياج والفتيس تزيد الحمل ع المكنه وتتعبها ام لا .
6- فى نتشه وانا ع الاول او التانى لكنها مش مستمره ؟ يا ترى ده من ايه
اسف للاطاله ومستني توضيح حضرتك نقطه نقطه وكلى آذان صاغيه
ولكم جزيل الشكر والامتنان
__________________
لا اله الا انت سبحانك انى كنت من الظالميناللهم ردنا الى دينك ردا جميلا تباركت ربنا وتعاليت
|