المشاركة الأصلية كتبت بواسطة tareksh
نصيحة لوجه الله لوهتشترى عربيه الفتيس dsg ,والماتور tsi ابعد عنها لان السوق كله مسمع فيه العيوب المتكررة لهذا الفتيس
انا عرضت عربيتى جيتا 2009 الفتيس dsg ,والماتور tsi عند عدد من المعارض والتجار لااستطيع عدده الكل يقول ماناخدش الماكنه 1400 لانها بتعيب فتيس
لدرجة انى ذهبت لمحافظات تانيه الى يقول اشتريها ب100 الف والى يقول علشان خاطر انك جاى من محافظة تانية اشتريها ب110 الف
طيب ياجماعة انا شاريها من سنه ب 178 الف يقولولى انت الغلطان انك ماسألتش قبل ماتشترى
وانا عن نفسى فتيسى غيرت عقله مرة ب 19000 جنيه والان بدأت احس تانى ان الفتيس هيعيب ومش عارف اعمل ايه
يعنى دلوقتى العربيه بعد سنه اصبحت بنص سعرها
حسبى الله ونعم الوكيل منه لله الى عامل الفتيس ده مع هذه الماكنة
|
يااخى الفاضل ركب فتيس عاده و ريح دماغك و اشترى عربيتك مش راح تكون سريعه زى الفتيس الالكترونى بس الاعور احسن من الاعمى لو عاوز ميكانيكى ابن حلال ومش حايكلفك كتير اتصل بيه عل 014 957 9000 او اعمل زيى و ديها التوكيل المفروض دا عيب صناعه لو رفضو يغيروه مجانى ابعت ايميلات للشركه فى المانيا واضغط عليها و متياسش افضل ابعت لهم لحد ما يضغطو على التوكيل لحد ميغيرو لك الفتيس عموما المهنس اللى فى التوكيل اللى فى العبور اسه شاكر و متفاهم روح له ولو رفض هدده بانك ستتصل بالشركه الام فى المانبا