[MIDO-SPICY]

المشاركة الأصلية كتبت بواسطة sad-bird انت جاي على سؤال من الاسئلة الصعبة في الدنيا والاجابة عليها متنوعة بتنوع الثقافة والتخصص لكن فيه مدرسة علشان تعرف تعرف شيء لازم تعرف ايه النقيض بتاعه علشان تجاوب على الشيء الاول لذلك الحياه هي عكس الموت ولو حاولنا نروح لكل واحد شوية الطبيب : الموت هو موت خلايا جذع المخ ووتوقف اجهزة الجسم عن العمل لذا يعتبر الشخص ميت اكلينيكيا وبالتالي اي شخص فيه نفس طالع نازل وفيه مؤشرات حيوية عنده يعتبر حي المهندس : الحياة يعني عمار يعنى توسع يعني انتاج كل ده يقف يبقى موت المدرس : الحياة يعني علم يعني نشاط يعني تفاعل يعني ثقافة والجمود الفكري عنده = موت الاب : الحياة تساوي عمل وكد وشقي من اجل رؤية ابتسامة اطفاله امامه والتوقف يعني مرض او موت الام : الحياة تعني اهتمام بما حولها تعني انها محور المنزل تعني كل ما يخص شئون اسرتها والتوقف يعني مرض او موت الحياة عند السمك = مياه بينما الحياة عند النار = جفاف الحياة عند البكتريا = رطوبة ودفيء بينما الحياة عند الزواحف = جفاف ودفيء لو حاولت توصل لتفكير كل شخص او كل كائن حي هتلاقي كل شخص او كل شيء له نظره للحياه يختلف عن التاني وكان فيه مثال مرة شوفته في فيلم عن طفلة عندها سمكة في يوم حبت تلعب مع السمكة وتخرجها من المياه السمكة فضلت تتقلب يمين وشمال علشان خلاص بتموت وعاوزة ترجع المياه والبنت تضحك وتضحك وتضحك فاكرة ان السمكة بتلعب معاها السمكة كان بالنسبالها الحياه بتنتهي وهتموت والطفلة بالنسبالها الحياه بتبتدي بضحكه ولعبه وفي النهاية البنت عرفت الفرق بين الموت والحياة في لحظة لحظة ما السمكة بطلت حركة خالص وبقى في سكووووووووووون وبقت شيء هامد اسف على الاطالة يا عم احمد بس انت سؤالك صعب قويييييييييييي ومحتاج فيلسوف يجاوبك عليه ولو اني اختصرته قبل كده في جمله واحده في التوقيع بتاعي