المشاركة الأصلية كتبت بواسطة mido-spicy
كلام حضرتك فى ان الجيش ماشى على الطريق الصحيح مناقض لكلامك برضه تحت اللى كنت بتقول فيه انه بدا يعاملنا بنفس طريقه مبارك وانه باقى على شفيق وشفيق من احباب مبارك
|
طريقة مبارك هي أن يخرج الملايين في الشوارع من يوم 25 يناير إلى يوم جمعة الغضب العظيم 28 يناير يقولون إرحل والشعب يريد إسقاط النظام
فيخرج علينا المخلوع ليقول سأطلب من الحكومة أن تستقيل !؟
هذه هي طريقة مبارك
الجيش تم إستئمانه على الثورة وليس أنه سرقها
فلذلك لابد أن تنتهي أشكال مثل أحمد شفيق وغيره من أصدقاء الطاغية المطرود حسني مبارك وزملاء كفاحه وفساده
المشاركة الأصلية كتبت بواسطة mido-spicy
ممكن حضرتك تقولى امثله للجمله دى ...
|
الرد السابق
المشاركة الأصلية كتبت بواسطة mido-spicy
وبعدين لو سلمت بكلامك .. حط نفسك مكانهم .. ماسكين البلد .. وبيحاربوا الفساد والبلطجه فى ظل غياب الشرطه .. بيحميى حدودنا ... بيحاول يجيب اللى فى ليبيا واللى فى تونس ... بيحاول يسد اى ثغرة على اسرائيل اللى بتتلكك من يوم 25 يناير .. بيحاول انه يبنى مصر جديده .. كل شويه مظاهرات فى حته شكل وهو بيقول حاضر ... بيسيبك تمشى فى الشارع بعد الحظر وبيعاملك بكل احترام بالرغم انه حظر المفروض .. وبعد كل دا النهارده الجمعه اليتيمه وبعدها الحزينه وبعدها مش عارف ايه ..
لازم تعرف انهم بنى ادمين وهما محطوطين تحت ضغط ومابيناموش من يوم 25 يناير ..
التمسلهم بعض العزر
|
وليه يحط كل حاجة في إيده ؟!!!!!!!!!!
الموضع مش عافية
لماذا لا ينفذ مطلب تشكيل وزارة متخصصين أكفاء (تكنوقراط) وبالتالي يتحملوا مهمة البلد ويرفعوا عن الجيش الكثير من المعاناة ليتفرغ لمهامه الأساسية ؟
مهامه الأساسية حماية البلد داخلياً وخارجياً ومراقبة تنفيذ نتائج الثورة بواسطة الحكومة الجديدة الشريفة التي ليس فيها من ينتسب للرئيس المطرود مبارك
لماذا ظل مبارك يعامل معاملة الأبطال في شرم حتى حدثت مظاهرة الجمعة الأخيرة جمعة التطهير 26 فبراير وحدث إحتكاك وهدد الناس بمسيرة لشرم الشيخ
بعدها تم الإعلان عن منع الرئيس المطرود وأهله من السفر والحجز على أموالهم
الجيش لو كان أمامه الكثير من المهام فليوكلها إلى أهلها
أما إذا رفض توزيع تلك المهام على أهلها لسبب في جوفه فليحمل قربة مقطوعة فوق رأسه
المشاركة الأصلية كتبت بواسطة mido-spicy
وزراء مبارك مايقدروش يعمولوا حاجه غلط بعد اللى بيتجرجروا كل يوم ادام النائب العام وهما شايفين دا بعنيهم
وياريت برضوا تحددلى امثله للوزراء دول وتقولى بمعلومات هما عملوا ايه ؟؟
|
وليه أدي القط مفتاح الكرار وأقعد أراقبه
أحمد أبو الغيط علامة فشل الخارجية المصرية لماذا يبقى
هل هو عناد للشعب
العناد إنتهي عهده مع طرد رئيس العناد
ومن يعاند مع الثورة ستأكله نارها بإذن الله
أحمد شفيق طرطور مذبحة ميدان التحرير 2 فبراير ومن يقول إن مبارك هو أستاذه لماذا لا يرحل بلا مظاهرات ممليونية أم انه كما يقول أنه تلميذ مبارك فهو تلميذه في التناحة والبرود
وسأرد عليك من كلامك
طالما أن الجيش أمامه كثير من المهام
فليخرج شلة مبارك من الحكم ليوفر على نفسه همهم وليتفرغ لأهم من ذلك
المشاركة الأصلية كتبت بواسطة mido-spicy
ممكن اسالك سؤال .. انه احسن التفائل فى مستقبل افضل ويخرج منه طموح وافكار وقضاء على الفساد ولا القلق اللى بدون ملامح ؟؟
وايه الهدف من القلق دا ؟؟
ولما نقلق نعمل ايه بعد كده ؟؟
25 يناير تانى ؟؟؟ يبقى حرام علينا وعلى بلدنا وعلى اخواتنا
|
أولاً في اللغة العربية القلق لا يقابله التفاؤل
-----القلق مقابله الطمأنينة
-----التفاؤل مقابله التشاؤم
الفرق كبير ووضع التفاؤل أنه عكس للقلق غير صحيح
القلق هو الإستعداد دائماً
في الجيش كان يقال خللي السلاح صاحي
هذا قلق وليس تشاؤم
ولو قلنا أن من التفاؤل هو أن نجعل السلاح نايم فهذا خلط للمعنى وخطأ
القلق هو مراقبة الوضع عن كثب والنزول للضغط على الجيش عند الضرورة
وبمعنى أصح هو عكس النوم في العسل
لما نقلق نعمل إيه بعد كده ؟
لو ظهرت حقيقة ما نقلق منه وهو أن الجيش رفض مطلب مهم ننزل 25 يناير تاني
ولو ظهر أن الجيش يخوننا وقد سرق الثورة عندها لن ننزل 25 يناير تاني
بل سننزل 28 يناير جمعة غضب تاني
وهذا لن يحدث بإذن الله
فلن يخوننا الجيش أبداً
المشاركة الأصلية كتبت بواسطة mido-spicy
احمد بيه انا اسف انى اقولك ان جملتك مفتقره للامثله
|
لم يكن مفتقر للأمثلة فهي موضحة وموزعة على الكلام كله
لكن للمزيد وضحت عدة أمثلة في الرد أعلاه وهنا بعض منها:
-1- مثل تطنيش الجيش لطلبات محاكمة الرئيس المطرود الفاسد مبارك حتى جمعة التطهير
-2- تطنيش طلب الثورة إسقاط وزراء مبارك الذين مازالوا أمامنا بتناحة
-3- تطنيش طلب الثورة بتغيير شفيق رفيق كفاح المطرود مبارك وتلميذه على حد قوله
-4- تطنيش طلب الثورة بحل أو إعادة هيكلة جهاز كلاب الدولة أمن الدولة
المشاركة الأصلية كتبت بواسطة mido-spicy
وهى البلد كلها مافيهاش غير الجنزورى ؟؟
|
المشاركة الأصلية كتبت بواسطة mido-spicy
ولما الجنزورى يموت نروح نموت وراه احنا بقى ؟؟
|
يوجد في اللغة ما يسمى بضرب الأمثال
ولا عايزني أحط لستة ؟؟؟؟؟؟؟؟؟؟؟
ماشي نحط لستة :
كمال الجنزوري
أحمد جويلي
أحمد الليثي
وعموماً يوجد جهة في جهاز المخابرات لديها دائماً قوائم معدة وموضوع قصة حياتها وكفاءتها
يعني لو عايزين هيجيبوا من تحت الأرض
وأحد ممن كانوا في تلك الجهة كان يقول لي أنهم كانوا في العهد البائد يكتبون التقرير عن الوزير المقترح ويكون في سجله بلاوي سوداء ويفاجؤوا أن المطرود مبارك عين ذلك الوزير في اليوم التالي بعد إستلام التقرير
يعني البلد موقفتش على شفيق ليعاندنا الجيش على بقائه
وبعد ذلك يتحدث عن المظاهرات
المشاركة الأصلية كتبت بواسطة mido-spicy
هو مين اللى بدأ الخصخصه فى عهده ؟؟
|
لو راجعت شوية قبل ما تسألني كنت عرفت لماذا طرد الجنزوري
واضح من تعليقك إن مبارك أفضل من الجنزوي
ولا أنا فاهم غلط ؟؟؟
أكيد أنا فاهم غلط
عموماً الجنزوري طلب منه البداية في الخصخصة فأصدر أمر الحاكم العسكري بمنع خصخصة الاسمنت والحديد والصلب والادوية والاسمدة والمطاحن
وبعدها تم طرده وبعد تولي الحكومة التي بعده كان أول قرار إلغاء ذلك القرار وتم بيع البلد بالكامل
كده عرفنا ليه الجنزوري مشي وليه جاء عاطف عبيد ومن الفاسد الطاغية اللعين الذي طرد هذا وجاء بذلك أكيد هو معروف
وعموماً الموضع ليس الحديث عن من سيتولى رئاسة الووزراء بدل شفيق
أنا بقول مثال
ومصر فيها الأحسن من شفيق والأحسن من الجنزوري
لكن شفيق رفيق الطاغية ومن يقول أنه تلميذ مبارك كما قال هو شخصياً لازم يرحل
المشاركة الأصلية كتبت بواسطة mido-spicy
دا امر طبيعى جدا فى الوقت اللى احنا بنمر بيه دلوقتى
|
أن مش شايف إنه طبيعي خالص
المشاركة الأصلية كتبت بواسطة mido-spicy
ممكن تقولى ايه هى مطالب الثوره اللى كانت موجوده فى الثوره من الاول ولم تستحدث وماتنفزتش ؟؟
|
أنا وضحت كثير منها في ردودي أعلاه
لكن نقطة (اللى كانت موجوده فى الثوره من الاول ولم تستحدث )
الثورة مازالت قائمة
ولا يستطيع أحد أن يحرمنا من إستحداث مطالب في أي وقت طالما في مصلحة البلد
كلمة ثورة ترتبط بتنفيذ المطالب
وإذا تم الإلتفاف على المطالب سنعاود النزول
والمطالب عاقلة وليست لعب عيال
والثورة بالغة عاقلة راشدة
وشفيق أخطأ عندما استهزئ بمن في الميدان وقال سنوزع عليهم حلوى
المشاركة الأصلية كتبت بواسطة mido-spicy
اؤيدك بشده ولكن لو السكوت عنهم فى الوقت الحاضر لترتيب جر الرجل فلا مانع .. وعلى فكرة الناس دى ولا هى اغبيه ولا معاقه .. الناس دى فاهمه قوى ومابتسيبش وراها دليل واعتقد ان اللى هيدينهم هى ادانه الناس الممسوكه دلوقتى
|
السكوت على زكريا عزمي كل الوقت الماضي كان تسيب وعبط ومش عايز أقول خيانة
الراجل كان يومياً يذهب للقصر الجمهوري في عابدين وفي الثورة لفرم أي وثائق تدينه هو وسيده المطرود مبارك وأسرته القبيحة
وتم إيقافه عن ذلك بمعرفة الجيش وإقتحام المكاتب بالقصر الجمهوري والتحفظ على ما بها يوم 23 فبراير
يعني بعد شهر تقريباً من بداية فرم الأوراق وتنظيف مكان الجريمة
وبعدها تقوللي الناس دي مش أغبية ؟
ما هو يا إما قصور منهم يا إما خيانة
وأنا شخصياً إعتبرته قصور ونقص
وعلى الشارع بضغطه أيام الجمعة أن يكمل ذلك القصور
المشاركة الأصلية كتبت بواسطة mido-spicy
ممكن تقولى ازاى ؟؟ ولو الجيش عمل اى حاجه مش فى صالحنا دا هيبقى كويس
الناس دى وقفت معانا فى الثوره لغايه ما اخدنا كل اللى بنحلم بيه واللى ماكناش بنحلم بيه حتى لما الثوره بدأت
|
محصلش إن الجيش وقف معانا في الثورة من بدايتها
الجيش إنضم لنا في النهاية بعد التهديد بمجازر
ووقتها كان هيحصل زي ليبيا
وكان أهالينا في الجيش برضه هينسحبوا منه أو هينقلبوا عليه
لذلك هو إنحاز لنا في النهاية
بفضل الله تعالى أولاً وأخيراً
وأيضاً نشكرهم على ذلك
ولكن نسلمهم الثورة وننام في العسل
لا وألف لا
نحن نراقب ولو إنقلب الأمر وتم التلاعب بمكتسبات الثورة لن نجلس في بيوتنا
وهذا ليس تحريض
بل هو دعوة للتنبه واستحضار بعض القلق الذي وضحت معناه أعلاه
وأنا متفائل بما سيحدث
المشاركة الأصلية كتبت بواسطة mido-spicy
وهو نزولنا مش اضرار بالبلد كلها .. نزولنا دا مش هيخلى بعض اتباع النظام الفاسد ينزل يعمل شغب فى الشارع ويخلى الجيش يتحرك ضدنا ويلم عاطل مع باطل .. نزولنا مابيوقفش حركه المرور .. مابيوقفش ارزاق ناس كتير من اصحاب المحلات والحرفيين .. مابيبوظش اقتصادك؟؟
ضامن ان نزولك الشارع يفضل مجرد اعتصام فى الشارع ؟؟ كل انسان له طاقه ؟؟
|
كلامي كان واضح جداً عن مطالبة الناس بعدم النزول إلا يوم الجمعة إذا دعت الضرورة وليس مطلقاً
ووضحت بعض نقاط لتلافي مشاكل إندساس البلطجية وأمثالهم
وهذا لن يعطل أي شيء إلا بقدر بسيط يوم الجمعة وهو مقبول لتظل الثورة مستعدة
ومفيش ثورة ببلاش
المشاركة الأصلية كتبت بواسطة mido-spicy
كل انسان له طاقه ؟؟
احنا الجيش معانا دلوقتى .. ماتخلوناش نكسب عداوته.. ولا هنطالب باسقاطه دا كمان ؟؟؟؟؟؟؟؟؟؟
|
الجيش معانا بفضل الله
وهذا حقنا وليس إمتنان من الجيش
فالجيش في الأساس مؤسسة خادمة للشعب
والتهديد بأن نكسب عداوة الجيش لن يحصل
فالجيش عليه تنفيذ الطلبات الأساسية الواضحة بدون طناش أو إبطاء
وبخصوص كلمة نطالب بإسقاطه كمان
بيقولوا إن اللي بيخاف من العفريت يطلعله
فبلاش نحط كلمة زي دي ياخدها واحد موتور يقولها في الشارع
الجيش بتاعنا بإذن الله
ولازم نراقبه كويس
وهو لازم يتعامل مع مطالبنا الأساسية الواضحة كويس ويبطل مماطلة
المشاركة الأصلية كتبت بواسطة mido-spicy
اخيرااااااااا ... ذكرت حاجه كويسه عملها الجيش
|
عملها بعد جمعة التطهير والتهديد بمسيرة لشرم الشيخ
وقبل هذه الجمعة لم يحدث ذلك أبداً
وكأنه لازم تحصل مظاهرة جمعة مليونية عشان يتنفذ قرار زي ده ؟؟؟؟؟؟؟؟؟
ثم أنا لا أقبل التلميح لأنني أخيراً ذكرت حاجة كويسة للجيش
أنا ممكن أفتح موضوع أتكلم فيه عن ما فعله الجيش كويس
لكن هذا أمر آخر
هنا في هذا الموضوع أتحدث عن مراقبة أفعال الجيش بترقب وصبر وقلق
وأرفض النوم في العسل
المشاركة الأصلية كتبت بواسطة mido-spicy
ولكن اسمحلى فى النهايه انى اقولك وانا اسف فى كلامى انى مختلف معاك جمله وتفصيلا فى موضوعك وارجوا انك زى ماحطيت موضوع ضايقنى انا شخصيا على الاقل انك تحطلنا موضوع يرفع من روحنا المعنويه وكفايه الـ 30 سنه اللى فاتوا واللى عشنا فيهم سواد
ارجوا انك تقبل نقدى مره تانيه وترد على اسالتى اللى فى الاقتباس
|
روحنا المعنوية في السما
وكلامي عمره ما كان تثبيط للروح المعنوية
بل هو دعوة لروح معنوية عالية إيجابية وليست سلبية
فإدراك ما حولنا مما يحدث ليس تثبيط بل هو زيادة يقظة وإيجابية
أما الحديث عن الأمور الوردية فقط فهو سلبية
ال30 سنة الماضية ذات السواد كان الوضع فيها مختلف
فسواء انك تنبهت وقلقت لما يحدث أو لم تتنبه ففي الغالب كان يحدث بأسوء صوره رغم أنوفنا جميعاً
أما الآن فالتنبه مفيد لأن معارضة أي خطأ قبل أن يحدث لن تعطيه الفرصة للحدوث بإذن الله تعالى
وأنا بفضل الله تعالى متفائل جداً
وكما قلت أعلاه التفاؤل والقلق قد يجتمعان لأنهما غير متضادان
فنظرتي للأحداث في الثورة تؤكد أن الله تعالى أراد التغيير والخير لمصر
ولابد لإرادة الله تعالى أن تتم
وكلما كان المطرود مبارك وعصابته يفعلون خطوة في صالحهم كان الله تعالى يقلبها عليهم فوق رؤوسهم وفي نحورهم
لدرجة تدعوا للعجب ولتسبيح الله سبحانه وتعالى
فالحمد لله
ولنكن متنبهين ويقظين وكله على اللهوالله ولي التوفيق