رد: ابنه الشاذلى تكشف اسرار محاكمتة واضطهادة وايامة الاخيرة
قصص الاضطهاد في عصرنا الحديث للاكفاء كثيرة
انا اندهشت لما قرات كتاب مذكرات يوسف صديق في الثورة وكنت اول مرة اسمع مين يوسف صديق ده لما تعرض له من اضهاد وتعتيم شديد واكتشفت ان هو يعتبر قام يوم الثورة ب 80% من اليوم ده وهو اللي احتل مركز القياده العامة رغم ان عبد الناصر وعامر اخبروه ان الخطه لاغي لكن هو اصر وكان بينادي لتسليم الحكم للشعب واجراء انتخابات وكان هو ده بداية الاطاحة بيه لدرجه ان جريده المصور سنة 53 او 54 كانت منزله هدية مع العدد صورة الظباط الاحرار لكن صباحية يوم التوزيع عبد الناصر اتصل برئيس التحرير وقاله الغي الهدية عشان كان عايز يشيل يوسف صديق من الصورة هو وظابط كمان
الراجل ده اتبهدل بهدلة صعبه اتنفي للعلاج في سويسرا وبعد كده لبنان وبعد كده في قريته اقامه جبريه واسوان وفيلته والسجن الحربي بل ان زوجتاه الاتنين اتقبض عليهم ايام وزارة داخلية خالد محي الدين ومعظم شباب العائلة
الراجل ده كان شاعر وهجا عبد الناصر كتير وكتب قصيده اسمها فرعون يقصد عبد الناصر ورغم كل ده كتب رثاء لما عبد الناصر مات سنه 70
السادات عمله جنازه عسكرية كبيرة سنة 75
|