المشاركة الأصلية كتبت بواسطة ner0o0n
السلام عليكم ورحمة الله وبركاتى
اولا انا عندى موتوسيكل الكلام ده من ثلاث سنوات
رخصة لمدة سنة والحمد لله
وجيت اعمل رخصة قيادة
عملت مشكلة كبيرة مع الضابط والكلام ده كان فى مرور السلام
المهم كنت اعرف واحد كلم واحد قريبة كان ضابط بردو واديت التليفون للعسكرى والعسكرى وصل التليفون للضابط اللى عملت معاه المشكة
المهم الضابط اخد الورق وقالى روح امتحن اتاريهم بيمضو امضاء معينة لبعض فى ساعه الوسطاة
المهم روحت امتحن المهندس قالى فين العربية قولتله لا دى ماكينة
قالى هاتها وتعالى بمجرد ما روحتلة بالموتوسيكل
قالى خلاص انت امتحنت
وروحت تانى للضابط
خلصلى كل حاجة وقالى اطلع اتصور واخدت الرخصة بعد نص ساعه تقريبا بعد المشكلة
المهم روحت البيت فعمى شاف الرخصة قالى يا ابنى دى رخصة خاصة مش رخصة موتوسيكل
وفعلا لقيت مكتوب عليها رخصة خاصة
فياترا بعد عشر سنين اما تنتهى هروح اجددها هيبقى فى اى مشاكل ولا ايه
او لو عملت بدل فائد
وعلى فكرة انا بسوق بيها الموتوسيكل عادى وبقف فى كماين كتير وبتعدى مش عارف ازاى
ارجو الافادة
ثانيا
انا عملت رخصة الموتوسيكل سنة واحدة وعدى عليها 3 سنين يا ترى اما اجددها
هدفع غرامة سنتين
وفى حاجة كمان لو هبيعها على حالتها كدا المفروض انى اعمل ايه
ثالثا
انا اشتريت ماكينة جديدة
عايز اعرف ثمن تكلفة الرخص الجديدة كام عشان سمعت ان النمر الجديدة سعرها عالى
وايه الاوراق المطلوبة عشان نسيت
رابعا
فى واحد قالى ماينفعش يبى ليك 2 موتوسيكل بأسمك
فعلا ده حقيقى
؟
ارجو الافادة
وشكرا
|
بص مفيش مشكلة فى الرخصة انت كده معاك رخصة عربية
اما من حيث التجديد عادى برده بس فيه احتملات انهم يغيروا اللوائح ويكون اثناء التجديد اختبار سواقة
اما بقى انك بتسوق بيها موتوسيكل فحظك كويس لان الموتوسيكل ليه رخصة تيسير دراجة نارية يعنى لو ظابط رخم هيعمل مخالفة بدون رخصة
اما رخصة الموتوسيكل اللى انتهت مفيش مشكلة
هتدفع ضريبة السنتين كانك مرخص اما لو حبيت تبيع تجيب شهادة بيانات من المرور للشهر العقارى
اما لو معاك موتوسكلين عادى بس بتدفع رسوم زيادة بسيطة جدا