السلام عليكم ورحمة الله وبركاته
بصفتي راجل كوير (يعني بحب الكورة) وكمان عضو في كذا منتدى رياضي
لاحظت ان في كل منتدى كورة بيبقى في قسم للسيارات
وبالفعل بيبقى في اقبال على قسم السيارات طبعا مش زي أقسام الكورة لكنه اقبال معقول
فكرت ليه ما يبقاش في قسم هنا في المنتدى لأخبار الرياضة وبالذات كرة القدم ........ بعيدا عن رياضات الفورميولا اللي قليل قوي مننا اللي بيتابعها
أن قولت الأول نجمع كده الأصوات ولو في كتير مرجحين الفكرة ممكن نتوجه بطلب للأدارة علشان تعمل لنا القسم الجديد......وطبعا للادارة كل الحق في انها تقبل أو ترفض
وأخيرا....انشاء القسم من عدمه مايمنعش انك تشارك في الموضوع:
قولي بقى انت زمالكاوي وطلعان عينك زي حالاتي
ولا أهلاوي و خايف ان الاسماعيلي يخطف الدوري (ان شاء الله طبعا)