رد: الايرباج ينقذك ثم يذبحك!!!!!
الأخ الفاضل صاحب الموضوع
ممكن تسأل فى التوكيل عن سعر التابلوه و الطارة لإن لو عندك إيرباج للسواق و الراكب الأمامى فلازم تغير التابلوه و الطاره علشان تضمن فعالية النظام
هو فعلياً إيرباج الطاره هو أهم واحد علشان خطر إصطدام الوجه و الصدر بالطاره و علشان كده فى فكره وهى تعطيل عمل إيرباج الراكب المجاور للسائق عن طريق فصل فيوز السنسور و نصيحه لو هتعمل كده خلى مهندس التوكيل هو اللى يفصله علشان يكون متأكد من الفيوز و مايلغيش بتاع السواق
عموماً لو معاك حد أو حتى لوحدك بلاش تجرى و خاف على نفسك يا عم العمر مش بعزقة
أنا سمعت من واحد صاحبى إن لجنة الفتوى الدائمة فى السعودية أقرت أن من يتجاوز بسيارته سرعة 120 يبقى يورد نفسه موارد التهلكه ... يعنى يبقى بيرتكب ذنب لإنه بيعرض حياته و حياة من معه للخطر
بصراحة عندهم حق و الدليل على كده الصويت اللى بنسمعه لما العداد بيعدى ال 120 حيث يقال إن معنى الصوت ده إن الشركة اللى مصنعة العربية مالهاش دعوة بيك يعنى أنظمة أمانهم و الثبات مضمون حتى 120 أما أكتر من كده فعلى مسئوليتك
يارب سلم
__________________
Mohamed Elhasafy Abo Farida
|