[MIDO-SPICY]

اهلا بيكى فى مصر موتورز

واضح ان دى اول مشاركه ليكى فى الموقع بالكامل
وانا سعيد انى اكون اول واحد يرحب بحضرتك فى الموقع
واتمنى انك توصلى لاجابات مقنعه لاسالتك من منتدانا و انك تتواصلى معانا دائما حتى بعد اجاباتنا عن اسالتك ان شاء الله

انا اعتقد ان الاسعار فى الفتره اللى جايه دى هيكون فيها ذبذبه وهتكون مش مستقره ومش عايز اقول انها من الممكن انها هتعلى تعويضا عن الاحداث اللى بتحصل فى البلد دلوقتى وبعض الخسائر اللى حصلت بالفعل لبعض التوكيلات فى مصرخسائر الاقتصاد المصرى والعاملى كمان بشكل عام
اما عن موضوع انخفاض اسعار الجمارك فى الفتره دى فهى مش هتنخفض
انما وزارة التجاره كل اللى صرحت بيه انها هتدخل البضائع المستورده لمصر الفتره الحاليه باعفاء مؤقت لها بمعنى انهم هيدخلوها دلوقتى بدون جمارك ولكن سيتم دفع جماركها بعد فتره
ودا طبعا لخسارة التوكيلات والظروف الاقتصاديه اللى بتدور فى البلد اليومين دول
على فكرة ماحدش قال موضوع اسعار العربيات دا بشكل رسمى دى كلها تكهنات مننا
وعموما انتى ممكن تدخلى على موقع كونتاكت كارز
www.contactcars.com
واعرفى الاسعار بالظبط
شوفى من خلاله الاسعار حسب احتياجك وحددى عربيات بعينها وحطيها فى موضوع واحنا نقارنلك بيهم من حيث الثبات والسرعه والكفائه وما الى ذلك

فيه نصيحه اخيره اخيره حابب انى اقولهالك .. حضرتك قولتى انك بتسوقى جديد فلو انتى مش متمكنه من السواقه فبلاش تجيبى عربية جديده فى الاول
شوفى اى حاجه سعرها هادى وفى نفس الوقت ميكانيكيتها كويسه تاخدى بيها خبرات السواقه وبعد كده هاتى اللى انتى عايزاه.

نورتى المنتدى مره تانيه
واهلا بيكى عضوه جديده فى مصر موتورز