السلام عليكم استاذى الكريم
ولا مدبحة ولا حاجة اهداء فقط الموضوع بسيط جدااا التصليحات الى حضرتك قلت عليها دى مش هاتزود التامين ولا حاجة و ممكن نسالك اما حتة ان الشركة بتزود الفلوس فى حاجة اسمها معدل خسارة يا استاذى و دة فى جميع الشركات لان حضرتك و للاسف الموضوع دة اتعمل
لان فى ناس بتستغل التامين مش فى مكانة و بتروق العربية و خلاص و يقال ما انا دافع فاكانت النتيجة الطبيعية خسارة شركات التامين من تعويضات السيارات و انا مش بقصد حضرتك طبعا بالكلام دة
و الدليل على الموضوع ان فى بلاد العالم المتحضر تامين السيارت مش بيخسر ولا اى حاجة بيكسب لان الناس هناك بتستخدمة فى محلة
اما عن سيارت حضرتك تحت امرك يا استاذى ممكن تدينى رقم الوثبقة او رقم الشاسية و اقول لحضرتك الفلوس هاتبقى كام
اما عن نسبة الاستهلاك الى اتغيرت و بقيت 10% من اجمالى الفاتورة دة برضة بقى فى مصر للتامين و قناة السويس و جميع الشركات و دة خاص بالتوكيل الاساسى فقط مش اى مكان .... و طبعا لان التوكيلات تبارت فى ارتفاع اسعار قطع الغيار لشركات التامين فقط بدون اى سبب غير الربح فقط و اكنة مال سايب
و كمان حضرتك لما مش بتعوض بتاخد خصم عدم مطالبة 20% و دة بيبقى فى مصلحتك
ان شاء الله تفضل عميل قناة السويس لانها بتتشرف بيك و نتمنى استمرارك معنا