رد: يا ريت حد يفيدنى احسن قربت اجنن ساجا اوتماتيك ولا fsv
السلام عليكم ...
حضرتك ممكن تقرا مشاركة الأستاذ صلاح حكيم فى موضوعى (عربيتك البروتون تقدرها بكام؟)
و هو معاه ساجا مانيوال و شغال فى مناطق صحراوية و بيمشى بيها فى مدقات و عاملة معاه دلوقتى تقريباً فوق ال50 ألف كيلو و رأيه فيها زى ما حاتقرا
و على فكرة البروتون الجيربوكس الأوتوماتيك بتاعها ميتسوبيشى يعنى ناعم جدا
مشكلة بروتون أنها مش منتشرة و من وجهة نظرى دى ميزة مش أبقى راكب عربية بقت تاكسى
و على فكرة موضوع إن أى عربية بقت تاكسى علشان الإعتمادية بتاعتها مش صح لإن العربيات دى بتبقى مجموعة معروضة من الشركات المشاركة فى مشروع إحلال التاكسى يعنى على مزاج الشركات مش اللى رايح يعمل إحلال
و زى ما حضرتك عارف إن سبب إنتشار أى منتج ممكن يكون بأسباب أخرى غير جودته (مثال ذلك الفيرنا ... إسأل أى حد إنت شاريها ليه حيقولك علشان منتشرة مع إنها موتور صاروخ على أربع عجلات)
و بخصوص إن حضرتك بتسافر كتير (حفظنا الله و إياكم من كل سوء) فإعمل اللى عليك و خد بالأسباب و إركب عربية فيها مواصفات أمان محترمة و يكفى إن العربيات الصينى اللى بتنزل مصر 90% منها مرفوضة من الإتحاد الأوروبى بسبب مواصفات الأمان و على فكرة لو فى عربيات صينى بتدخل أوروبا بتكون غير اللى بتيجى هنا
و بالنسبة لقطع الغيار فهى فعلاً غالية شوية أما القطع المستهلكة (تيل فرامل ... فلتر زيت) فهذه الأشياء متوافقة مع ماركات أخرى عن تجربة أ/ صلاح
أما بخصوص الشد و الجرى فحدث و لا حرج فالساجا 1300 سى سى بس طلقة حتى الأوتوماتيك بتاعها سحبه جبار
أنصحك أقرا الموضوع و صلى إستخارة و لو حبيت تعمل تست درايف للساجا إسأل فى توكيل الصحراوى
وفقك الله للخير
__________________
Mohamed Elhasafy Abo Farida
|