المشاركة الأصلية كتبت بواسطة Injection
والله الرد السابق ممتاز وأنا كنت هنصح حضرتك بيه, بس لأن السماعات قدرتها هتبقى عالية وصوتها هيبقى قوى جدا.
أما لو عايز صب, ممكن تجيب أما بازوكا jbl بحوالى 600 الى 650 جنيه
أو صب عادى كينوود 1200 وات أو بايونيير شامبيون ال 1400 وات, وده هيعمل من 320 الى 370 حسب المحل والصب اللى هتختاره, وتجيب صندوق ليه فى حدود 100 جنيه.
الأمبليفاير بقى ممكن تجيب واحد قناتين وتركب عليه الصب مع السماعات القديمة وخلاص.
أو تجيب واحد 4 قنوات وتركب الصب على قناتين وتجيب طقم سماعات قوى وتركبه على القناتين الباقيين, وطبعا هتسمع صوت خيالى, بس الميزانية غالبا هتزيد عن 1000 من طقم السماعات الزيادة.
وعموما الصب هتحتاج أمبليفاير 400 وات أو أكثر قناتين ويتعملهم بريدج علشان يطلع ضعف القوة ويقوم الصب صح, وده هيبدأ من 370 جنيه وأنت طالع.
ولو أمبليفاير 4 قنوات هيبقى أغلى شوية من مثيله القناتين, بس لو مع طقم سماعات 350 وات أو 400 وات هيعمل شغل جامد أوى.
أسف على اللخبطة, بس أنا مش عارف أسعار الحاجة بالظبط دلوقتى علشان منزلتش من فترة.
|
ياباشا ألف شكر على رد حضرتك
بس في حاجات بصراحة انا مش فاهمها
هل الأمبلفاير ده هو الجي إم ولا ده حاجة تانية
وأنا كل اللي كنت بطلبه بس إني أركب سماعتين وصب أوفر او بازوكا
ومش لازم تكون فوق الألف وات
انا كنت سألت واحد بتاع سماعات بس مش متأكد منه
قاللي ممكن تركب سماعتين كينوود أو بايونير وصب أوفر سيمفوني اللي هوة سماعة واحدة وجي إم كبير 4 تشانل وقاللي التكلفة مش هتعدي الألف جنيه
ياترى الكلام ده سليم ولا أفكر في حاجة تانية