وعدت فأوفيت تسلم ايدك بجد على التقرير الجميل ده ويااااااااااارب ياااااااااااارب يباركلك فيها ويهبك خيرها ويكفيك شرها
التقرير عموماً ممتاز وان كنا لسه طماعنين فى اجزاء تانية
فى رائى الشخصى المازدا الجديدة ديه لا يعيبها الا الشكل الجديد نفسه اللى بحس ان الشكل القديم اجمل خاصة ان الشكل الجديد المقدمة بتاعتها بشوفها كوميدية شوية يعنى كان العربيه بتضحك او كانها وجهه كارتونى لاحد الشخصيات الكرتونية لكن القديمة اكثر شراسه فى شكل التصميم (رائى شخصى بحت)
بالاضافة للاتساع الداخلى وفروق الكماليات لكن اى حاجة غير الشكليات ديه التفوق فيها للمازدا انا متأكد
منتظر انطباعاتك عن اداء العربيه واستهلاك البنزين والعفشه من حيث المرونة والثبات وطبعاً طبعاً اخبار الصيانة فى الوكيل وقطع الغيار ربنا ميحوجك ليها ابداً ان شاء الله
اخيراً اتفق معاك فى الاستغراب من تجربه ابو الاسعاد (حبيبى)
انا جربت الكرولا والاسبيرانزا والاتنين حسيت ثباتهم فى المنوارات ضايع وعلى العكس العربيات اللى لقيتها مميزة فى الفئه ديه كانو النيسات تيداً والمازدا 3 القديمة والسيفيك طبعاً
لا الكرولا ولا المتسوبيشى ولا اى عربيه كورى او صينى اديتنى احساس بالثبات فى المنحنيات زى التيدا والمازدا والسيفيك