فيه حاجات تانيه كمان . زى حليات الأبنوس اللى بتتلصق على التابلوه من الداخل . وكمان حليات النواكل للأكر والشنطه . والخداعه أو المسند اللى بين الكرسيين الأماميين للعربيات الى مافيهاش خداعه أماميه . وطقم دواسات البدالات . اللى بيتركب على البدالات عشات تحمى كاوتش البدال من التآكل . وكمان تركيب فانوس أو سبوت نور صغير فى حوض السياره الأمامى للطوارئ لا قدر الله . ودا بيتعمل له فيشة للسلك بتاعه أو مفتاح صغير فى الأمام خاص بيه . ونفس الموضوع فى شنطة السياره . كمان ممكن استبدال ايريال السياره بآخر اوتوماتيك .
ولو حبينا نصرف شويه ممكن طبعا نركب وحدات رفع مع شريحة كومبيوتر لرفع الزجاج وخفضه بالترتيب وحسب الحاجه . وكمان تركيب سي دى أو دى فى دى . ومعاه يركب اف ام ترنسميتر يخلى العربيه كأنها بطارة دركسيون مالتى فانكشن .
وكله بتمنه .
