المشاركة الأصلية كتبت بواسطة احمد على 1999
انا بيجيلى قلب و ساعات اسيبه ل 20000 ( ايوه عشرين الف و اكتر )
و قلت الكلام ده لناس كتيير قبل كده و ضحكوا عليا
عالعموم انا عندى لانوس 2002عامله 189000 كم (يعنى داخل على متيين الف) و الماتور حالته احسن من لما كان جديد و معملتلوش عمرة لغاية دلوقتى
بس الزيت الى بحطه زيت مخلق زى على سبيل المثال شيل الترا هيلكس او موبيل وان و بتابع المستوى اسبوعيا و طبعا بيبتدى ينقص بعد ال 7000 و بزود من بعد 10000 بالباقى الى معايا (الربع المتبقى من اخر تزويد لان الانوس بتاخد 3.75 لتر فقط) و لما بعدى ال 15000 ممكن اشترى علبه 1 كيلو ( و همه فعلا عملينها علشان اغراض التزويد)
فانا من زمان بنصح على الاقل 15000 كم
و انا المتوسط بتاعى 15000 و لما باكون مزنوق فى الفلوس بعدى ال 20000 (مرة وصلت ل 24000) المهم التزويد
|
لو سمحت كنت عايز اسأل حضرتك سؤال
حضرتك بتقول 15000 كيلو انتا قصدك علي العداد بتاع الكيلومترات ولا العداد اللي تحته الصغير ؟؟