المشاركة الأصلية كتبت بواسطة amro0000
اهلا بلباشا الكبير حقيقي اولا انا اتشرفت بيكو وبلمنتدي بجد حاجة لا كنت اتوقعها ان يكون فية منتدي بلجمال دة انا من مبتد اشتري عربية وبقالي شهرين واشتريت رينو فيجو لو حد يعرفها ويا ريت اي حد لية معلومة عن العربية دي قطع غيار فوانيس ناس فهماها صح ياريت يقولي ويديلي اي معلومات انا محتاج حد فعلا يفهم في العربية دي ويقولي رأيو وشكرا
|
أهلا بيك ،، نورت المنتدي و مبروك علي العربية
الفيجو تعتبر النسخة الرياضية من رينو 18 و هي عربيات قوية و حمالة قسية و بدأ انتاجها من سنة 80 الي 85 تقريبا و كانت مرغوبة جدا في اوروبا بس للاسف مشكلة الفيجو في مصر بالذات إن قطع غيارها قليلة و ده بسبب عدم وجود اعداد كبيرة منها في الشارع و ده خلي معظم الناس تخاف تشتريها و تبعد عنها
و فيه منها مواتير كثير 1400 و 1600 و 2000 سي سي افضلهم في توافر قطع الغيار الموتور 1400 سي سي لانه مماثل لموتور الرينو 18 السيدان ، و عموما فيه قطع غيار كثيرة للـ 18 ممكن تركب عليها خصوصا العفشة و الموتور و أعتقد أن الفوانيس الامامية ممكن برضه
عموما باذن الله ما تشلش هم طول ما احنا معاك
و دي شوية صور ليها علي الماشي
يا تري انت اشترتها بكام و حالتها ايه و موديلها ايه و كام سي سي و اخبار كمالياتها ايه ؟؟
__________________
سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته
الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون