رد: احذر إنك تسيب العربية عند الميكانيكى
في مشكلة ثانية كبيرة غير إنه ياخد حاجة أو يمشي بالعربية.
إنك لما بتقف على إيده وهو شغال بيهتم وبيعمل لك كل حاجة إنت عايزها، وبعدين إنت كمان بتتعلم وتعرف عربيتك مع الوقت، وبالتالي ما حدش يقدر ينصب عليك، أما لو سبتها ورجعتله، هتلاقيه يا إما ما اشتغلش فيها أصلا وفضل عليك حد تاني جه واستعجله، يا إما كروتها وما عملش كل حاجة إنت كنت عايزها، يا إما طلب منك مبلغ كبير عشان أصله عمل وعمل وعمل، وطبعا إنت ما كنتش معاه فمش عارف هو صادق ولا لأ. فلازم تكون دائما على إيد الصنايعي في كل حاجة مش بس في العربيات. وشكرا للتذكرة
|