[aimanmohamed82]

ياجماعة انا ساكن فى شارع العشرين . فى العمارة بتاعتى محل حضرموت و انا ساكن فى الدور الاول . المشكلة انهم بيشغلوا الافران و عيون البتاجاز 24 ساعة المهم فجاة لائينا الارضية بتاعت الشقة سخنة جدا لدرجة ان احنا مش عارفين نمشى فى الشقة حفيين و لا عارفين نصلى ? . نزلنا كلمناهم طبعا شويات شباب صايعين و شكلهم اى كلام و يقول نعمل ايه المهم قولنلهم اعملوا عزل للسقف بتاع المحل و طبعا الاجابة المشهوره حاضر ..... طيب ...... ان شاء الله المهم نكلمهم مرة بالحسنة مفيش و مرة بقلة الادب برده مفيش و ظريف ان احنا و احنا فى المطبخ لاقينا صراصير ماشية بين و على الاطباق و على الكوبيات طبعا فى منها كبير و صغير و الاجمل ان كان فيه واحد ماسك ساطور و بيقطع فى لحمة خروف و وقعيت منه حتة لحمة على الارض اللى فيها طينه مطرح العمال اللى داخلها و اللى خارجة راح العامل واخد الحتة من على الارض و رماها فى الحلة . انا مش عارف اعمل ايه معاهم ؟؟!!!!! اعملهم محضر فى القسم و انتو عارفين محدش بيتحرك الا لما يكون البلاغ من شخصية كبيرة فى البلد. ولا ابلغ عنهم الصحة و اقول للصحة عن الارف اللى انا شوفته و كمان بيصلحوا حاجة فى الصرف يبداءوا يشتغلو فية ابتداء من الساعة 12 بليل لحد الساعة 3 الفجر. حسبى الله و نعم الوكيل فيهم بحق كل اذان يترفع على الارض . اسف على الاطالة.