اما سرعه السلانسيه دي انا مش عارف اساسا فين عداد ال rpm
|
أولا
ماينفعش نخلى أسد .............يبقى بليه
|
معلهش ياباشمهندس سمير بندخل فى اختصاصك السماح ياأهل السماح انا قصدى اساعدك بس اعتبرنى الواد بلية
|
ثانيا
شوف يا أخى
سرعة السلانسيه دى مش حاجه عندك فى التابلوه
ده مجرد رقم بتعرفه من خلال أطلاعك على وضع مؤشر عدد لفات المكنه والسياره
محركها دائر
ورجلك لا تلمس دواسة البنزين
غالبا بيكون المحرك فى حالة سلانسيه جيد
مع تواجد عدد لفات من 700 إلى 850 لفه / دقيقه
__________________
وبرضه نوضح علشان حبايبنا
كلمة سلانسيه عباره عن كلمه معربه من الكلمه الأنجليزيه SILANCE
أى السكون
وبلاشك فأن وجه الشبه واضح
إذا فإن سرعة السلانسيه لمحرك السياره .....نقدر نقول عليها هى السرعه لمحرك السياره
والسياره متوقفه ( أى ساكنه ) ..........سلانسيه يعنى
_________________________ ____
ومن زاويه هندسيه أخرى
فأنه يطلق على سرعة السلانسيه
سرعة الحمل الخالى idle speed ( الاحمل )
طيب ليه بيتقال عليها كده هندسيا
لأن معنى حمل خالى ............يعنى مفياش أحمال بنخدها من المكنه
غير أحمال ملحقات المكنه ( زى الدينامو وطلمبة الباور وكمبروسور التكييف كأمثله )
ولذا سميت بسرعة الحمل الخالى
لأن السياره متوقفه ( فى حالة السلانسيه )
ولا يوجد أحمال مأخوذه من محرك السياره .....تلزم لدفع السياره من أجل تحركها