[sam ram]

المشاركة الأصلية كتبت بواسطة كاكا معلش مع احترامى للجميع ... السيارة بها بعض المشاكل * الدبدبة فى المطباط عفشة ناشفة . معروفه و مش زعلان منها ... العربيه سقفها عالي و العفشه الناشفه بتخلي ثباتها و اتزانها افضل * اسطوانة الدبرياج ضعيفة فى المطالع و خاصة اذا كنت محمل و ممكن تشم ريحة شياطها . طيب نشوف كده يمكن حد تاني يطلع عنده نفس العيب ده .. لأنك الوحيد لحد دلوقتي اللي حصل معاه الموضوع ده عموما انا بحمل فيها بشر و شكاير و طلبات و الحمد لله عمرها ما كسفتني و لا شميت اي ريحه * صعب انك تشد بالسيارة مع احد او تخرج من مواقف صعبة بسرعة يتطلبها الطريق الا اذا سقطت غيرات و فحتت الموتور يعنى السيارة ثقيلة على الموتور . لو على سرعه بطيئه تسارعها بطيء فعلا بالفتيس الاوتو لكن على سرعات عاليه .... تسارعها كويس جدا امال هما بيقولو كيك داون ليه ... مش علشان ندوس بنزين .. و لا احنا لازم نحسس على الدواسه و نعتذر !!! دي طبيعه تصميم مواتير .. عزم عالي على عدد دورات عاليه ... في مواتير تانيه تديك عزم عالي على دورات منخفضه .. بس تبص تلاقي العربيه بعد ال 100 ... طوووووبه تسير بالقصور الذاتي * سواقتها تجعلك تشعر بأنك تقود ميكروباص و مش هيكتشف الحكاية دى الا اللى جرب فعلا يسوق ميكروباص . هو طبعا الواحد مينفعش ياخد بعربيه لفه و يقول انا سوقتها او جربتها لكن لو بنتكلم عن وضعيه الجلوس فاقدر اقول اني سوقت ميكروباص و دوبل كابينه و جرار و عربيه بيجاسو بتاعت الجيش هي فعلا قعدتها زي الميكروباص زي كده ما ال 4×4 قعدتها زي النقل بس انت لو نزلت دريكسيون الماتريكس حيقل الاحساس ده هو على فكره مش وحش ... غريب بس لو متعود دايما تسوق سيدان * صعوبة رؤية ابعادها و خاصة اثناء الركنة . يا رااااااجل ... قول كلام غير ده دي احلا حاجه فيها ... دا انا بطلت ابص ورا وشغال كله مرايات * صوت الموتور يعتبر عالى داخل الكبينة على السرعات العالية . ماشي .... ما هو مش حعترض على كل حاجه يعني * خامات البلاستيك المستخدمة فى الكابينة متوسطة المستوى . موافق ... الخامات تحسها رخيصه وبلاستك ناشف ... لكنها مش رديئه... يعني لا بتقشر ولا بتتكسر ولا بتغير لونها .... لكنها جيده من حيث تأديه الوظيفه و التحمل * توكيل السيارة نصاب و من اسوأ التوكيلات سمعة فى مصر . يا عزيزي ... كلنا لصوص مع الاعتذار للاديب احسان عبد القدوس * قطع الغيار الهامة و الاصلية مثل الكبالن اسعارها خيالية و مبالغ فيها جدا . كبالن ....كبالن ... انا فاكر الاسم ده ... لكن معداش عليا قبل كده في الماتريكس مع انها بقالها اربع سنين وعدت ال 100 الف ..اوتوماتيكي * و اخيرا ابشع عيب و هو وجود فلتر البنزين داخل تانك البنزين اسفل الكنبة الخلفية و طبعا وجود الفلتر داخل التانك له هدف عند هيونداى و هو ان حضرتك تصبح مرتبط بالتوكيل دائما . انا كده كده بروح التوكيل للصيانه ... ولا عمري شميت بنزيم بس تفتكر دي مؤامره من هيونداي الام من نفسها ولا بالتربيط مع التوكيل و بعد ان كنا بنغير فلتر البنزين بنفسنا فى 5 دقائق فى اى عربية اخرى لازم نروح التوكيل علشان الفلتر يا اما تروح عند الميكانيكى و يعملك حوار فتحا و نصبا علشان حتت فلتر و انت بتدعى ربنا انه يعرف يغيره و يرجع التانك مقفول كويس زى ما كان من غير خسائر او حريق لا قدر الله او انك تشم ريحة بنزين بعد كدة و انت مشغل التكييف . و للعلم انا قرأت شكاوى لناس كتير فى المنتديات عن انهم بيشموا رائحة غريبة بعد تشغيل التكييف فترة طويلة و فى ناس اكتشفت انها رائحة بنزين اتية من التنك اسفل الكنبة الخلفية نتيجة عدم اغلاقه بأحكام بعد تغير الفلتر و فى ناس شمة الريحة و مش عارفة دى ريحة اية اصلا او جاية منين . طيب يا باشا متجيب اقتباس كده لاي حاجه من الكلام ده اصل الظاهر كده الناس عندنا في مصر موتورز مبتشمش

منور يا استاذ كاكا
مش حضرتك برضو قلت نفس الكلام ده في موضوع استاذ حازم خضر
عموما موضوعي جاهز لو حضرتك تحب تدخل تضيف فيه نفس الكلام للافاده وتبقى حذرت الناس وعملت اللي عليك في كل الموضوعات
وتبقى خدمتني لو اقتبست المشاركه بالرد مره واحده