[amrmohamed1975]

المشاركة الأصلية كتبت بواسطة magd131 اولا مشكور علي الموضوع القيم ده وجميل جدا انك تفتح مجال للنقاش في مواضيع هادفه ثانيا المصرين بحكم طبعهم شعب عاطفي ومتدين بالفطره وفعلا بتلاقي نمازج كتير في مصر بتاخد الدين وجهه ليهم عارف الدوله الوحيده الي بتلاقي الاعلانات بتاعتها واحد بدقن وعلامه الصلاه ضخمه وبيتكلم علي بطانيه ولا موبايل صيني او تلاقي واحد في الشارع ماسك سبحه في ايده وسب الدين في بقه زي اللبانه وتلاقي يوم الجمعه كل واحد ماسك في ايدهع مصليه وبيصلي بره الجامع علي الرغم ان جوه الجامع فاضي طبعا علشان يمشي الاول وتلاقي موظف بياخد رشوه من طوب الارض وبس يسمع صلاه الضهر يسيب شغله ويقوم يصلي وهنروح بعيد ليه عندي في الشغل وقت الصلاه تلاقي ناس بتصلي الضهر او العصر في نص ساعه ويقعد يختم الصلاه في عشر دقايق وطبعا انت عارف ليه المشكله ان المصريين شعب بيحب الديكور تلاقي ناس واخده الدين وجهه ليهم يبقي المشكله في اخلاقيات الناس واستخدامهم للدين لخدمة اغراضهم وطبعا ده علي اغلب المصريين مش كلهم

الشكر كل الشكر ليك يا استاذ محمد على مشاركتك الجميلة و ذوق حضرتك
طبعا الموضوع يعبر عن وجه نظر مؤلف الكتاب اللي انا متفق معاها تمام فى كل ما ذكره و اللي اتمني من ربنا سبحانه و تعالي ان يساعدنا على تغييرها و انا بطلب المساعدة من ربنا فيها مش تغيرها اعمالا لقول الحق سبحانه و تعالي أعوذ بالله من الشيطان الرجيم: ((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))[الرعد:11]
و من هنا يجب ان نبدي بأنفسنا لان الدينا مش هتتغير و حال البلد كمان مش هيتغير لو مبتديناش بانفسنا و لكم مني كل الحب و التقدير