المشاركة الأصلية كتبت بواسطة mesho70
بدون اعادة ذكر تفاصيل عن امكانيات السيارة فهى ممتازة وربنا يبارك لها فيها
وانا كان نفسى اركب تويوتا كورلا ولكن حال بينى وبينها الامكانيات المادية كان اخرها لانسر 2010 1600 الفتيس الجديد
اما نقدى الشخصى للسيارة ودى وجهة نظرى الخاصة :-
- بروز الفوانيس الامامية والخلفية يجعلها عرضة للكسر بسهولة علاوة على ان الشكل القديم افضل
- كونها تقفيل جنوب افريقى ( بالرغم من المكونات يابانية ومجرد ايدى عاملة فقط وبإشراف من الشركة الام ) يعطى الافضلية للصناعة والتقفيل اليابانى وكان هذا فى الانسر
- حدثت بعض المشاكل بسمعة الشركة مؤخرا ً ( وان كان هناك تأكيد من الوكيل انها بعيدة عنا ) من ظهور عيوب فنية وسحب بعض الموديلات من السوق يجعلك تعيد التفكير وتتردد
- اما المقارنة بالسيراتو فهى كانت مفاضلة بين احتياجاتى لكماليات واوبشن عالى بسيارة حديثة بالسوق نسبيا ً ام الاستغناء عن تلك الكماليات بسيارة عريقة بالسوق المصرى ويابانية الصنع ( مع ملاحظة ان سعر السيراتو كاملة وبكل امكانياتها تقارب سعر الانسر 1600 كلاسيك واو فئاتها ) فكان اختيارى للانسر
|
متشكر جدا علي الاهتمام وربنا يباركلك وطبعا اختيارك للانسر اختيار موفق و
ان شاء الله ربنا يسترها معاك
عارف المشكله ان اغلب الناس بتفضل الكماليات عن اساسيات السياره وده عامل تشتت رهيب وانتى بتشتري سياره عارف وانا بتفرج علي سيارتي في المعرض كان في سيراتو زي الرز و هيونداي بجميع انواعها طبعا الالماني خليه علي جنب لانه فئه اعلي بكتير من السابق ذكرها ركبت الكيا وشفتها من جوه لقيت الكورلا اوسع و افخم بكتير منها و من اغلب موديلات الهيونداي وكذلك الهيونداي احسنهم الالنترا بس برضه التويوتا افضل