[اسد]

هل تعلم ان محلات البطاريات النصابين والصنايعية ضعاف النفوس ممكن يزودوا لك البطارية بمية من الحنفية بدل الماء المقطر لتقليل التكلفة وتقليل فترة استخدامك لتشترى بطارية جديدة على فترات زمنية اقل
وهل تعلم انك ممكن تروح تكشف على بطاريتك يقوموا يعملوا لك قفلة فيها عشان يطيروها وتضطر تشترى واحدة جديدة
وهل تعلم ان بطاريتك ممكن تكون سليمة ويوهموك بانها بايظة عشان ياخدوها ويبيعوها لزبون آخر كجديدة او كمستعملة حسب شكلها الخارجى وده سبب بيع بعض المحلات بطاريات مستعملة وتلاقيها بتعيش معاك مدة طويلة
هل تعلم بان بطاريتك البايظة ممكن تبيعها ب 75 جنيه اواكثر والمحل بياخدها منك ب 30 او حتى ب 50 جنيه
هل تعلم ان الصيانة الشهرية للبطارية مجرد سبوبة للصنايعى وممكن يعمل انه بيقيس الشحن وهو ولا بيقيس ولاحاجة وممكن يكون اصلا الجهاز بايظ ويقولك زود شوية بنزين او افتح النور العالى وكله نصب فى نصب
وهل تعلم وهل تعلم وهل تعلم.....................
اما عن الكاوتش فما خفى كان اعظم
وهذا من واقع تجاربى مع بعض المحلات فى منطقة ميدان سفير وميدان الجامع وهارون الرشيد خلف مستشفى هليوبوليس فى مصر الجديدة بدون ذكر اسماء الحيتان للستر
اللهم ان كنت اصبت أجرنى وان كنت أخطأت سامحنى
ارجو من الزملاء مراجعة تجاربهم وذكرها