الحمد لله يا احمد انها جت على قد كده وقضى اخف من قضى
بس انا عايز اعلق على نقطة اعتقد انها مهمة جدا وهى الخاصة بالجزئية ديه
و ناس تانية قالتلي متفرقش مادام هتبيع بعد كام سنة طبيعي العربية تكون رشه بره
و اللي بيرش بيرش كله ،،
|
فعلا اللى بيرش بيرش كله وده بيكون بعد 3 - 4 سنين استهلاك وخرابيش بس الرش بيبقى على حالة من الاتنين
1 - رش الاجزاء اللى فيها خبطات زى الرفارف والابواب وديه اجزاء عرضة دائما للخبط وبعدين باقى العربية بياخد وش تلميع مع بعضة المهم ان القوائم والسقف والشنطة والكابوت يفضلو فابريكا
او العربية كلها بتتسحق على خفيف وتاخد طبقة دهان خفيفة برضو وبعديها التلميع
وده كل بيخش تحت مسمى رشة نظافة
لاكن علشان تفك الفرش ( مشكلة فك وتركيب الفرش بدون خسائر)
وتدى العربية بنط لحام بطول السقف (كده راحت بوية الفابريكا وشوهت دواخل السقف )
وبعدين تمعجن ( وما ادراك ما المعجون )
وبعدين ترش ( وانت وحظك اللون يطلع قريب من الاصلى بنسبة كام فى المية !! )
فدية زى ما قاللك صاحبك هتبقى مقلوبة رسمى فى نظر اللى بيبص على العربية
كمان هتبقى عرضة لمشاكل الدهان البلدى والمعجون وده فى السقف يعنى شمس ومية وكل حاجة واكيد هيطق مع الوقت
كمان هتبقى عرضة لديفوهات المعجون وممكن يبان فيها عالى وواطى وخاصة ان معجنة السقف وسحقة صعبة جدا جدا على اى صنايعة نظرا لوضعة الافقى ولانى مش بيبقى ماسك نفسة اساساً
كمان هتبقى عرضة لبهدلة تقفيل الفرش والكليبسات وتقفيل كاوتش العزل مع الفرش الخ الخ وفيه حاجات مش بتتباع جديدة حتى فى التوكيل زى طقم الكاوتش بتاع العزل وفيبرات القوائم
علشان كده انا من راى الاخوة انك تصبر عليها وتعملها على الباأأأأأأأأأأأأأأرد ولو فضلت فيها تجارح او تعويج بسيط احسن واوفر بكتير من اى تصرف تانى