المشاركة الأصلية كتبت بواسطة ANA211
مساء الفل على الجميع
انا معايا ريجاتا 88
اشترتها من سنة و نص تقريبا و الله يسامحه اللي باعهالي
فرحت انها فابريكة بس لبست الميكانيكا بالكامل و العافشة بالكامل
عايز اقولكم ان مفيش حاجة في العربية الا لما غيرتها
بس الحق يتقال .. عربية عشرة على عشرة ناعمة و واسعة و لما بتصرف عليها فعلا بيبان عليها لكن الحمد لله انا صرفت كل اللي معايا على الميكانيكا و الكهربا و نفسي اعملها دوكو و سمكرة بس عند واحد ابن حلال اللي يعرف حد كويس يدلني عليه و ابن حلال دي يعني حنين في الفلوس و صنايعي شاطر .. انا عارف انها معادلة صعبة لكن اكيد في حد كويس و مش بيلسع في المصنعية
|
انا ناوي باردو اعمل دوكو وسمكرة .. ياريت لو حضرتك فعلا ناوي تعمل دوكو وسمكرة نروح لواحد
وتبقى العربيتين معة بمعنى انة يعملنا خصم لانة هيشتغل ف عربيتين مش واحدة .. فية فى فيصل
مجموعة من السمكرية والبوهيجية .. كلمت واحد منهم اعرفة واتعاملت معة ف شغل بس مشكلتة
انة حراق جداَ وعامل فيها دكتور .. هو فعلا ايدة حلوة بس مش لدرجة انى ادفع 2500ج ف سمكرة
بس ولما بقولة يعنى احنا لو مش معرفة هتقولي كام قالى 3000 ج .. فعموما انا هدور على غيرة
وحضرتك باردو دور ونتابع بعض لو امكن بالاسعار ونعمل عربيتنا سوى ونشتري الدوكو وحاجتنا
سوى نستفيد بخصم كمية .. واقل سعر لمصنعية يكون معقول . فأية رأي حضرتك ؟ انا قدامى شهر
لكى اكون مستعداَ لهذا الامر . بالنسبة للمبالغ اللى بتتصرف على السيارات عموما فهى اصبحت
شيئ عادى .. انا سيارتى صارف عليها 11 ألف !! تخيل ولسة عايزة دوكو وسمكرة بس انا مغير
فيها كل شيئ وفيها حاجات كانت شغالة وتمشى بس انا كان معايا قبلها سيارة زيرو وحاولت اوصلها
لحالة ترضينى داخلياَ . حضرتك لازم تنزل وتدور وتسأل عن الصنيعية لان الكلام هتلاقية متفاوت
والتفاوت حسب حالة السيارة واحتياجها ف السمكرة .. فأكيد هيكون فية تفاوت ف الاسعار