السلام عليكم
ربنا يكرمك
احب اضيف ان معلومه الاستاذ ايمن عنابى عن التيل غلط غلط غلط وانا امبارح ركبت تيل الفرامل الامامى طلع بتاع ايه شيفروليه افيو الاصلى بـ 60 جنيه والله العظيم بالميكرون واحد
وطبعا عرفت الكلام بعد لما رحت اشتريت تيل فرامل لانوس زى ما الاستاذ ايمن قال ورحت زى الشاطر عن الميكانيكى وكلى ثقه فى كلام عم ايمن .المهم الميكانيكى بيقولى تيل لانوس على بروتون ازاى يا بيه قوم ايه انا عملت ابو العريف وقلت ليه انت عارفت ان العربيات بتشترك فى حاجات كتير ما عدا الشكل الخارجى . المهم لاقيت الميكانيكى قاعد يكركر ويضححك . قلت ليه مالك يابنى قلى ماركبش . ايه ازى مركبش قالى اهه ببص على التيل لاقيته نفس الشكل ولكن اقصر ؟؟؟؟؟؟؟؟؟؟؟؟؟؟؟؟؟؟؟؟؟ بصراحه كان شكلى زى الزفت قدام الاسطى الى مسكتش طبعا وطبعا عمال يبص ليا بـ نظره عامل برم ومفتح اديك شربت التيل
. انا كمان مسكتش ورحت باصص ليه بنظره استر عليا اتصرف ازاى
المهم ربنا بيحبنى جدا واحد صحبى معدى بعربيته قلت ليه على الفيلم الهندى اللى شربته من ايمن عنابى صاحبى قالى طب ما انت صح العربيات كلها بتشترك فى حجات كتير وتعالى نشوف عن بتوع قطع الغيار .....
رحت اول محل وبسطعبط وبقله تيل لانسر ده صح . الراجل طلع كل التيل الى عنده كرستاله لا
ماتريكس لا . هيونداى لا بومه لا بومه لا كله لا لا
طبعا انا فى موقف زى الزفت
العربيه عند الميكانيكى ومرفوعه والتيل معيا اتصرف ازاى المهم المحل التانى واد دكر اول ماشاف التيل جاب تيل فرامل افيو . انا بقيس الاتنين طلعو واحد طبعا كنت مصدوم وعمال اقله هات بوكوليز واقيس الطول العرض وكل حاجه طلع هو هو الحمد لله الحمد لله طلع بــــــ60 جنيه الكورى الاصلى الى مابصفرش
ورجعت جربته تمام الحمد لله زى الفل .
كلمت كل الناس وقلت ليهم على خبر التيل الامامى عشان محدش يقع فى نفس الموقف
الحمد لله ...
ياريت محدش يكتب الا الحجات الى غيرها فعلا مش اى كلام وخلاص
واسف على الاطاله
الاستاذ سيد مكان الفلتر تحت العجله اليمين ورا وبالتحديد بين التانك والعجله اليمين ورا
والسلام عليكم