أنا شايف إن أكبردليل فعلا على نجاح الاسبيرانزا حجم المناقشات الضخمه ليكم جميعا وحجم الجدال اللى اثارته لما نزلت لأن ببساطه لو هى فاشله ميه فى الميه كانت دخلت وانسحبت فى هدوء شديد زى عربيات كتيره نزلت وانتهت فى هدوء ودون أى شوشرة
ولكن انا مازلت عند ردى الصينى زيه زى أى عربيه غيرها يعنى بالبلدى مكنه بتشتغل وبتبوظ والاستخدام بيفرق على فكرة أنا كل ماخش المنتدى بحب اشوف عدد المشاهدين فى المنتديات واكتشفت إن أكبر عدد فى الهيونداى وبعده على طول الاسبيرانزا يبقى نفهم أيه من كده ......!!!!!!!
وكل واحد عنده عربيه ربنا يباركله فيها
واللى عاوز يشترى اسبيرانزا ميخافش ولا يسئل هى أوحش ولا أحسن( ياراجل ده الواحد لما بيتجوز واحده مبيعملش كل ده خالص وتلاقى الجوز واخدين بعض عن قصة حب طويلة شهدتها حدائق ومدرجات الكليه لتتنتهى القصة بالزوج فى كيس إسود )
الاسبيرانزا عربيه عاديه سعرها مناسب للمصريين وهى كعربيه كويسه جدا بانسبه لتمنها واللى مش مصدق يبص فى الشارع ويشوف التاكسيات والعربيات
طبعا وأنا قاعد بكلمكم فى واحد هيجى من بعيد ويسئلنى بمنتهى البراءه عمو عمو هى الاسبيرانزا كويسه ..........؟؟؟
