بسم الله الرحمن الرحيم
بعد التحيه الطيبه لكل اعضاء المنتدي الكرام
انا كنت النهارده بعمل صيانه ال 10 الالف كيلو لعربيتي ال m11 بالمنصوره
بس حصل الاتي
ان الي راح لعيسي المنصوره هيلاقي ان مركز كيا الي تبعه جمب مركز الاسبرانزا
فطبعا اي ضغط شغل بيشغل مركز كيا للاسبرانزا كادوات و ماكينات رفع
المهم و انا عربيتي في مركز الكيا جه وفد من شركه كيا تفتيش علي عيسي
عربيتي كانت لسه بتترفع غير جمبي 3 عربيات مفكوك منهم الزيت الاقي الدنيا اتقلبت و يلا طلعو العربيات وعربيات تتزق و حركات غريبه جدا اكني قاعد في ورشه ميكانيكي مش مركز محترم
يعني اي عربيات مفكوك المكنه بتاعتها و بتفك زيتها تنزل من علي المكن و تتزق ده قمه الاستهتار
المهم جم المفتشين لاقو عربيتي لسه بتطلع و عربيه جوا ويلاقو عربيتين كيا كارنز واقفين عاملين حادث واقعين علي الارض لان المساعدين مقطومين يعني العربيات علي العفشه وبرا المركز بالشارع
حصل مواقف شد و جذب من المركز و المفتشين
وانتهي الامر قدامي ان عيسي المنصوره اتسحب منه توكيل الكيا
علي الرغم من ان حسيت في بادئ الامر بقمه الاستهتار من المدير المسئول اولا علي العربيات الي بالشارع وبقالها اسابيع كده و عدم تصليحها و اختلاط العربيات بالمراكز اسبرانزا في كيا بس لقيت ناس محترمه جدا في التعامل و تقبلو الامر بابتسامه و اشتغلو عادي جدا و بهدوء و اشتغلو في العربيات بهدوء و شغل علي نضيف وناس فاهمه وفنيين كويسين جدا و بيكشفو علي كل حاجه مش زي طنطا خااااااااااااااااالص
الحمد لله عملت الصيانه و العربيه اكني لسه مستلمها زيرو الحمد لله
حبيت اقول الخبر عن عيسي لانه حصل قدامي
وتقبلو خالص تحياتي