[mahranahm]

الحمد لله رب العالمين
ربنا ولك الحمد حمدا يليق بجلال وجهك وعظيم سلطانك

الحمد لله امتلكت اول عربية فى حياتى ودا كان حلم كبير هى اينعم مستعملة وموديل 1987 بس الحمد لله ربنا مخزلنيش
العربة حالتها كويسة

هى جولف 2 موديل 87

بالمناسبة اتقدم بجزيل الشكر لمنتدى العظماء ودا اسم المنتدى الجديد لمنتدى مصر موتورز عالاقل عندى انا
عشان هو السبب فى معرفتى على الشخصيات الربنا جعلهم سبب فى امتلاكى لحلم حياتى بدايتا

اولا حبيبى فى الله الاستاذ الكبير اوى احمد بدر المشرف لانة هو اول واحد شاف العربية وكان السبب فى معرفتى بصاحبها

ثانيا حبيبى فى الله محمد فيصل صاحب الفضل الكبير الربنا جعلة سبب فى فحص السيارة عن طريق معرفوا من الميكانيكية

( تم تظبيط ميعاد وراح معايا بعربيتة الفيرنا من الاسكندرية الى الكيلوا 21 تمام وفحصنا العربية وراح معايا يوم كتابة العقد ويوم استلام السيارة للتأكد من كل البيانات جعله الله فى ميزان حسناته وبعد استلام السيارة تولى صيانتها من تغيرات للزيوت + الفرامل + الماتور فى ورشة اقل ما يقال عنها انهم ناس محترمة عارفين ربنا ربنا يكرمهم ))

آسف للاطاله لكن حبيت ادى كل واحد من اخواتى فى المنتدى ولو جزء من حقة على المجهود الرائع

من انهاردة مفيش مهران فولفو
فيه مهران جولف