04-12-2010, 10:32 AM
|
|
من انا؟: أنسان يعيش و يتعايش
التخصص العملى: تانية تجارة
هواياتي: Everything
|
|
تاريخ التسجيل: May 2010
الموقع: مصر الدور الرابع
المشاركات: 1,400
|
|
رد: تعديل عدادات اللانسر بومة 2009
الورقة نفسها فعلا ممكن تتغير, أو يتلزق عليها ورقة تانية بألوان وشكل أخر, وموجودة فى شارع دمشق عند المحلات اللى هناك, وسمعت أنها موجودة فى التوفيقية.
الورقة بتغير شكل العدادات والنور علشان ألوانها مختلفة, وشكلها بيبقى جامد.
وممكن تخلع لوحة العدادات وتغير اللمض بنور أبيض أو أزرق, بس ده موضوع محتاج طولة بال وحد فاهم علشان هتتعب على ماتفك العدادات, وعلى ماتلاقى اللمض بتاعتها.
وفيه عدادات أسمها المصرى ألومينيتور, دى جت عليها فترة وأنتشرت جامد, بتبقى العدادات بلمضها بسلطاتها ببابا غنوجها وينفع تتحكم كمان فى لون الأضاءة وشدتها, وكانت بحوالى250 الى 350 جنيه عند Enzo أو Go accessories
الورق العادى بيتباع وممكن تطبعه مخصوص كمان, وبيتركب مكان ورق العدادات القديم وتركب لمض جديدة تغير اللون, والناس دى موجودة فى شارع دمشق حسب اللى أسمعه بس ماليش خبرة فى الموضوع.
أما الألومينيتور ده بيبقى العداد كله بلمضه, وبيتركب الطقم مكان العدادات القديمة, وموجود فى شارع دمشق أو عند GO و Enzo وتركيبه سهل.
جروب جو وعليه نمر التليفون والميل للى عايز يسأل
http://www.facebook.com/group.php?gid=5125742449
جروب أنزو
http://www.facebook.com/group.php?gid=7862269562
ودى شوية صور للألومينيتور من الجروب بتاع أنزو
وطبعا بيبقى حسب نوع وموديل العربية, بالتوفيق يارجالة.
|