المشاركة الأصلية كتبت بواسطة mahranahm
يبقى انا كلامى مظبوط مجيش وقول انى عشت برة مصر وكأنى فى الجنة وتلاقى الظباط هناك ممكن يضربوك بالنار وميحصاش معاهم حاجة
اروح زيارة واقعد فى مكان كويس زى استالى على البحر او المنتزة من الداخل عندنا واقول مصر كلها زبالة
اكيد فى اماكن عندهم زى عندنا عشوائيات وقرف وزبالة وناس مش لاقية تأكل
فى كل مكان فية السلبيات والايجابيات يبقى مينفعس نبص لنصف الكباية الفاضى على طول
والله مصر كلها ايجابيات برضة لسة فى ناس محترمة كتير
ممكن تكون الاغلبية تعبت وزهقت لكن مصر جميلة وانا بعشقها ومبحبش حد يطلع سلبيات بس
فى منظر يمكن كلنا بنشوفة هى قد ما يكون دينى اكثر من ان يكون حضارى
والله انا بيعجبنى اوىى فى المصريين بجميع اديانهم
لو تلاحظ فى حالة مرور جنازة العربيات كلها تمسك جنب واحد وتشغل النور الواطى والناس القاعدين يقفوا والماشيين يقفوا والناس توحد الله والجالسين على القهاوى تنزلوا رجليهم ويقفوا احترام للروح الذاهبة الى بارئها
هاتلى دولى غربية بتعمل كدة واحنا كلنا المصريين كويسين والله من جوة
بس عشان نتغير
نبتدى بأنفسنا الاول وان شاء الله حيغيرنا كلنا الى الاحسن
متأسف للاطالة بس الواحد كان نفسة يتكلم ومصدق لقا فرصة
|
حضرتك بتقولي أبص لنص الكباية المليان، واذا قولتلك ان الكباية كلها فاضية
ولا أقولك مفيش كباية من أساسه عشان تبص عليها-هه
أقولك إمبارح فتحت التلفزيون - مع اني بقالي كتير مقاطعه- لقيت مؤتمر ثلاثي كان منعقد في نص الكباية المليان (صفوت الشريف- واحمد عز- وهلال)
الشريف: التاريخ سيشهد لنا بمدى نزاهة الانتخابات
عز: الوطني يكتسح لانه انعكاس لرغبة الشعب، والكل بينتخب بحرية وسلاسة
الشريف: نتايج الانتخابابات مش هتتأثر بانسحاب فرد أو اتنين
بجد بجد- ندمت اني فتحت التلفزيون
ههه- دول مش فرد ولااتنين (دي أحزاب) دي ارادة الشعب- الناس دي محسسني انهم في بلد تانية غير اللي احنا عايشين فيها.
أستاذ مهران:
عايز تعرف نص الكباية المليان ده- ايه لازمته؟؟؟؟؟؟؟؟؟؟؟
الإجابة: هنا .....