[كاكا]

المشاركة الأصلية كتبت بواسطة nktis يا استازي انا راكب موتسكل صيني ومفيش حد اهاني او شتمني . كل التعليقات وانا منهم علي وسائل الامان وثانيا اللي بيركب ويركب مراته وعياله ؟؟ الصيني معمول يشيل واحد مش اربعه

طيب اتفضلوا اقتباس من مما كتبه الناس هنا به اخطاء و اسائة واضحة
يمكن انا بتوهم حاجات مش موجودة



ادى كلام الاخ Jack Box

علي فكره والله عندك حق المنظر ده بيستفزني جداااااااااااااااااااا وتلاقي الراجل محمل 3 عياله ومراته واحد علي التانك واتنين ورا وماشي بيهم ده ايه الغباء ده ناس معندهاش فكر والله ويرجعوا يعيطوا بعد كده

زى ما انتم شايفين اتهام صريح و واضح لاصحاب الصينى بالغباء نتيجه جهل الاخ Jack Box بالسبب الحقيقى اللى يخلى مواطن شريف يضطر يشيل مراته و عياله على الموتوسيكل الصينى علشان يجنبهم بلاوى المواصلات و كأن هذا المواطن المسكين بيدلع و بيتغابى متعمد و هذا غير صحيح طبعا.
ـــــــــــــــــــــ
و ادى كلام الاخ hazem_khidr

الموتوسيكل الصيني فعلا بيقف في اي لجنه لان معظم اللي راكبينه شباب بايظ و بلطجي

و اضح انه داخل علشان يشتم و بس و يتهم اللى عندهم موتوسيكل صينى بأن معظمهم شباب بايظ و بلطجي و دة افتراء و لا يصح .
ـــــــــــــــــــــ
و ادى كلام الاخ nktis

المفروض اصحاب الموتسكلات ديت ميرخصوش من اساسه لان الموتسكلات ديت متنفعش تسافر مسافات طويله . من الاخر الصيني معمول للمشاوير الصغيره يعني اقل من 10 كيلو

طبعا الكلام دة خطأ جدا و انا ليا اصدقاء كثير بيقطعوا اكثر من 120 كيلو به يوميا و المشكلة اساسا فى اختيارك لأن فى ماركات صينى افضل من اللى عندك لذلك من الخطأ التعميم و جعل كل المكن الصينى مثل اللى عندك بها مشاكل و لا تستطيع قطع 10 كيلو .


واخيرا اقول لكم اتقوا الله و اذا كان لا يعجبكم الصينى فأتركوه و ناسوا فى حالهم بدون تجريج او اسائة لهم سواء بالقول او بالمعلومات الغلط اللى بتروجوا لها عن الصينى .

المشكلة انكم بتتحدثوا و كأننا فى بلد مثل البلاد المحترمة و اذا كانت السيارات مضروبة فى مصر و معظمها بيخالف و الطرق زبالة عايزن الناس ترمى الصينى و تجيب ريس يابانى مثلا و لا اية انا مش فاهم و طرق مصر تعبانة و سواقين السيارات فى مصر لا بيراعوا يابانى و لا صينى

و اللى هيرمى الصينى و يدور على ريس يابانى هيجرى بيه فين اصلا فى ظل الزحام و الفوضى المرورية يا جماعة فكروا بتأنى شوية احنا ما ينفعش معنا غير الصينى و الناس اللى بتتنطط عليه دلوقتى كمان كام سنة بعد الطرق تتقفل خالص من كتر السيارات هتتضطروا غصب عنكم تركبوا موتوسيكلات صينى و عجل صينى علشان تروحوا مصالحكم

و ساعتها التجار هيستغلوا الظروف و يغلوا سعره و مش هنلاقية الا فى السوق السوداء الحق اشترى موتوسيكل صينى قبل ما يغلى و بكرة تشوفوا لان مافيش حل الى الان اتخذته الدولة لعلاج تكاثر السيارات و الزحام و الان اصبح مشوار واحد بالسيارة يعادل اربع مشواير بالموتوسيكل فى ظل الزحمة الحالية.