[خالدخليفة]

اولا يادكتور جودة
انا سعيد جدا بحضرتك واتشرفت بيك
ثانيا
طبيعة عملى لاعلاقة لها فى اى مرحلة من مراحل الحياة بالسيارات لكنها خبرات الحياة وقرائاتى الكثيرة واللى توقفت شوية او قلت من بعد الزواج بسنتين بالاضافة ان فيا طبيعة وهى ان بحب اعرف محبش اسمع جملة تعدى عليا بدون م افهمها ومش عيب انى اتعلم من اى حد واذكر ان اخونا الصغير نور بيجو واحنا قاعدين فى مقابلة دريم لاند الجمعة اللى فاتت قال جملة تتعلق بنوعية الكبالن تقريبا وانا مفوتتهاش واستفهمت منه وفهمنى طبعا
لكن انا بشتغل فى مجال المقاولات والعقارات
واما العربية فانا املك نيسان صنى و... دى تجاربى الشخصية مع النيسان ولذلك انا هنا فى المنتدى لا اتحدث عن اى سيارة تانية ابدااااااااا لانى معرفش عنها اى شىء
وانا الحياة علمتنى م اتكلمش فى شىء معرفوش
لكى لا اضلل الناس لانى كنت معجب بالبيجو ال 505 عربية ناشفة وواسعة ومحترمة وكنت هاخدها ب20 الف وهياخد مكانها بضاعة (سنة 1999)يعنى فرصة ذهبية
ووقتها الفتاوى كرهتنى فى العربية وكلهم اجمعو ان الموتور على كبالن
طب وايه يعنى؟؟؟
قالو لا.... كده كل م تلعب فى الموتور تفك الكبالن
كلام فارغ طبعا
ولما اشتريت الصنى فوجئت ان كل الزيرو على كبالن
وكان نفسى امسك كل اصحاب الفتاوى اخنقهم
للاسف
مشكلتنا فى مصر مشكلة فكر يحكم العقلية المصرية
يعنى مثلا
يقولو العربية دى لما تيجى تبيعها متجيبش فلوس حتى ولو مميزاتها كويسة
ازاى افكر ابيع عربية قبل م اشتريها؟؟؟؟؟ هو انا لسه ركبتها ؟؟؟
مثال تانى
البيجو ال504 عربية قوية وعندنا فى الصعيد صاحب ال504 عامل نفسه سلطان هناك
وروحت اشتريها بناء على كلام الناس وصاحبها اتعنطز علياوماشتريتهاش والحمد لله انه اتعنطز لان سعرها نزل من 45 الف الى 17 و 18 الف
ولما ركبتها لقيتها متساويش الهيصة والسمعة دى كلها عربية ضيقة وبتاكل زيت وموتورها مش قوى ولاعفشتها اخرها 100 كيلو فى الساعة (انا بتكلم على معدلات امان )
وال505 برقبتها
لكننا مش بنفكر وانما بنمشى ورا الكلام وخلاص وانا شخصيا اتعلمت انى ممشيش ورا الكلام غير بعد التحقق منه والبحث والتمحيص جيدا ولذلك انا بطىء شوية فى اتخاذ القرار يعنى انا اخدت وقت اشترى فى العربية حوالى سنة
يسعدنى التعرف بيك وانا اتشرفت بيك فعلا