[engmish]

المشاركة الأصلية كتبت بواسطة sam ram حضرتك انا مكنش قصدي انك تدور على موضوعات للالتيا و ال 308 انا كنت بتكلم عموما عن الموديلات الجديده للشركتين الالتيا مش منتشره خالص ... الغالبيه بتفضل الليون عنها مع انهم مبنيين على نفس الشاسيه والمكونات والالتيا اكبر و اوسع .. لكن شكل الليون شبابي اكتر .. في حين ان الاكبر سنا حيقولو طيب ما نجيب جيتا و لا اوكتافيا ودول اللي عارفين ان سيات التيا و ليون وسكودا اوكتافيا مبنيين على شاسيه و مواتير الجولف و الجيتا بمعنى ان لو حضرتك سمعت عن مشاكل في عربيه منهم حتكون غالبا نفس المشكله في بقيه العربيات اللي سمعته ان الفتيس ال DSG الاستخدام العنيف بيبوظه بسرعه ... يعني الفتيس هايل و سريع وموفر للبنزين و متحسش بالنقلات .. بس مش بتاع حرق وكبس ليل نهار فيما عدا ذلك العربيه تحفه لكن للاسف مش منتشره ... لا ... دي نادره كمان البيجو عربيه جميله لكن معرفش ليه دايما ال 307 ساعات كنت بسمع و اشوف مشاكل فيها لدرجه ان كان زميل في الشركه جاب ال 307 SW ازرق .. و بعد اسبوعين لقيتها بقت فضي ... سألته عن السبب قالي ان العربيه كانت بتجيب زيت من تحت .. وكان جايبها خليجي بس غيروها ليه غير اني ساعات اسمع عن مشاكل سخونه او تكييف او فتيس وبرضو في نفس الموديل ال 307 طبعا حضرتك شايف اني عمال اقول اسمع او شوفت ... فممكن تكون حالات فرديه او ممكن ال 308 غير ال 307 علشان كده قلت لحضرتك دعبس وراها الاول وان شاء الله ربنا يوفقك لاحسن حاجه كان نفسي افيدك اكتر .. بس انا قلت اللي عندي في حدود معلوماتي والله اعلم

ألف شكر لحضرتك على المعلومات دي، أنا فعلا ماكنتش عارفها، وبإذن الله هخاول أدعبس أكتر.

ربنا يرجعك بالسلامة بإذن الله ومستني تحكي لي عملت إيه هناك.