رد: هل شراء الأوبل المستعمل في هذا الزمان جــــــــــــــــنـــــــ ـون
آآآآآآآآآآآآه عينى عليك يا استاذ MSAO
ليه بس بتفكرنى انا معايا اكسل 1500 وكنت بفكر ( بأقول بفكر بس) انى أغير فدخل فى دماغى الاوبل فيكترا مو95 ولقيت واحد صاحبنا اشتراها ب 38000 وهى 2000سى سى اوتماتيك كاملة والراجل شكرلى فيها وانا عربية ممتازه واعتماديتها عاليه لكن تطلعلك مشكلة قطع الغيار والصناعية اللى مبيفهموش حاجة
جوز اختى معاه استرا 2002 1200 سى سى وعنده مشكله فى دورة الزيت فراح لواحد الله اعلم بيفهم ولا مبيفهمش قاله شكلها ( تخيلوا بيقلوا شكلها يعنى مش متأكد) عاوزة طلمبة زيت ودى تتكلف كام يا عم الأسطى قاله تعمل 1000 جنيه
المهم بعد هذه السمعه قلت يا واد سيبك من الاوبل وشوف كده الفورد المونديو موديل 98 خصوصا ان اللى راكبها بيشكر فيها وتشطيب جيد جدا وخامات ممتازة وثبات راااائع وعاملة من 38 - 42 الف لو بحالة جيدة , وقلت اعمل بحث كده عليها فى مصر موتورز فى قسم الفورد لقيت المشاركات المكتوبه عنها سلبية وبرضه مشكلة قطع الغيار النادرة والغاليه خصوصا ان وكالة الفورد اتغيرت بعد ما رجب فورد سابها بالإضافة الى ندرة الصنيعية اللى بيفهموا فيها
وفى النهاية اقتنعنت انى لما اغير اغير بعربية تريحنى مصاريف وقطع غيار متوفرة حتى لو على حساب حاجات تانية الواحد ممكن يتنازل عنها لأن الواحد مش ناقص يتطلطم عند ده وده واسافر القاهرة مخصوص واضيع يوم كامل علشان الف على قطعة غيار
__________________
د / محمد
إن الله لا يصلح عمل المفسدين
|