[خالدخليفة]

المشاركة الأصلية كتبت بواسطة mohamed10 [/COLOR] ياريت يااستاذ خليفة تشرحلنا موضوع الغاز فى الصنى وانطباعاتك عنه بعد تجربته وما هى الشروط او الاحتياطات اللى يجب مراعاتها عند التحويل للغاز واثناء استخدامه وشكرا

الحقيقة انا اشتريت العربية من معرض فى مصطفى النحاس ولان عندى فكرة عن الغاز مشيت من المعرض على محطة الغاز اللى جنبه ودخلت المحطة فرحبو على طول
لكن الترحيب ده كان غلط وواضح ان اللى قابلنى مكانش فاهم
لان مفروض لو العربية زيرو لازم تمشى بيها حوالى 6000 كيلو على الاقل وانا بفضل 10000 يكون ميكانيزم العربية اتظبط
والحقيقة سألت سواقين تاكسى كتير لانهم اكتر ناس مركبين غاز
لكن كلهم طلعو رمم ( جمع رمة ) وقالو ان الغاز بيبوظ الموتور وحرام عليك تركب غاز
و.....و........و......... .
وكنت بستعجب لما هو مبوظ الموتور اومال انت مركب غاز ليه
وكانت الاجابة موحدة
العربية مش بتاعتى وصاحبها هو اللى مزاجه كده
عقدونى
ووفهمت
انهم خايفين على البنديرة اديها لهم اقل شوية
لحد م قريت موضوع لاخونا احمد الله يستره عن الغاز الطبيعى
وده الرابط بتاعه
http://www.masrmotors.com/vb/showthread.php?t=7703

وهو اتكلم باستفاضة الحقيقة
لكن كتجربتى انا الشخصية
فالنيسان موتورها ماشاء الله جبااااااااااار
وبالغاز بتوصل سرعتى الى 180 كيلو فى الساعة
لكن لاتزيد عن كده
لكن بالبنزين ممكن توصل 215 ودى اقصى سرعة جبتها ومشيت بيها مسافة طويلة بالنيسان حوالى اكتر من 45 كيلو لكن بالغاز ممكن اجى من اسكندرية لمصر لو على سرعة 100 بحوالى 6 ونص جنيه
لكن السرعات الشريرة بتاعتى اللى بوصل بيها لحد 170 كيلو فى الساعة يادوب بوصل لحد الريف الاوروبى والغاز يخلص يعنى عند الكيلو 50 وبمشى 20 كيلو بنزين وامون غاز بعد البوابات من الامارات
هو العيب انى مبمشيش بيها بنزين كتير وده بيعلى صوت الموتور لما تشتغل غاز لكن مفروض كل 10000 كيلو امشى 500 كيلو او 1000 كيلو بنزين
وبصراحة بيوفر جاااامد جدا
هو بيأثر على التسارع بس
لكن سحب موتور النيسان بيعوض الكلام ده كله (دول 118 حصان يابوى )