رد: اشاعه زياده اسعار السيارات البى واى دى كاذبه وملفقه وهى محاوله لمحاربه انتشار السياره
أنا مع حضرتك خصوصاً إن الأستاذ عماد كان أعلن إن السعر لم و لن يتغير يبقى فن المصداقية بتاعت التوكيل ؟؟ و كمان لو الموضوع ماشي بإن سعر الدولار غلي و الجمارك ليه باقي العربيات مغليتش ؟؟ زي الفيرنا و اللانوس اللي بيتجمعو في مصر زيهم زي BYD ؟؟
بس رأيي إن الزيادة لو جت على 1000 جنيه فأنا رأيي إن ممكن بعض الناس تقدر عليها لكن لو كل شوية يزودها دة يبقى إستغلال خصوصاً إن فيه لها منافسين كتير أوي في نفس الفئة و الأسعار ثابتة و ممكن تكون بتقل كمان زي ما اسبيرانزا نزلت طراز أقل ب-59000و زي ما حضرتك قلت ده ذكاء من التوكيل
ياريت الأستاذ عماد يبلغ التوكيل مدى إستياء العملاء من غلو سعر العربية و إن الموضوع لو إستمر في الزيادة هيبقى فيه ناس كتير كانو بيفكروا في العربية و كدا حيصرفو نظر عنها ، أنا شخصياً ليا ناس كتير أعرفهم كانو ناويين يجيبوا العربية و لما عرفو إن سعرها زاد رجعوا في قرار الشراء
|