رد: مدير بشركه قطع غيار هيونداي وكيا الاصليه بالشرق الاوسط وشمال افريقيا
بسم الله الرحمن الرحيم
الاول احب اشكر كل اللي شارك وحب انه يعرف ويتكلم
شركتنا شركه قطع الغيار التابعه لشركه هيونداي العالميه من كوريا وهيا طبعا غنيه عن التعريف
يعني هما بينتجم لنفسهم قطع الغيار يا جماعه ودي اسمها شركه موبيس
وكمان نحب نعرفكم ان شركه هيونداي اشترت كيا العالميه من حوالي اربع او خمس سنين تقريبا وبقم شركه واحده
وطبعا مش محتاج اقولكم الفرق بين كيا دلوقت وكيا زمان والفرق واضح واللي مش شايف يتفرج علي السيراتو عامله ايه في شوارع مصر كلها
احنا عندنا كل قطع الغيار الاصليه طبعا ومش بنتعامل مع اي حد غير الوكلاء المعتمدين وهديكو مثال زي مصر
في مصر احنا بنتعامل مع اتنين
غبور هيونداي
المصريع العالميه للسيارات كيا
هما دول العملاء بتوعنا وهما بيوزعوا بقي بمعرفتهم وبيعملوا صيانه بقطع الغيار لان اي قطعه غيار مش اصليه بتدخل للعربيه في فتره الصيانه بتخرج بره الضمان ومتهيألي كلنا عارفين حاجه زي دي .
والشركه دي في اسكندرية وده الفرع الوحيد في شمال افريقيا وافريقيا كلها والشام
يعني احنا لحد حالا بنوزع للدول دي
مصر و تونس و الجزائر و ليبيا و المغرب و لبنان و الاردن و سوريا
بس يا جماعه لو في اي استفسار تاني انا في الخدمه وتحت امركم
|