المشاركة الأصلية كتبت بواسطة احمد على 1999
انا لسة شايف الموضوع دلوقتى
الحمد لله على سلامتك يا استاذ ايمن و الحمد لله على سلامة العربية
و المهم انك بتحب عربيتك و مخلص ليها جدا علشان كده هى كمان بتحبك
و انا ناوى ان شاء الله اجيب ماروتى بس احوشلها لانى حبيتها بسببكم
|
الفين شكر يا استاذ احمد
بس كنت عاوز اعرف معلومة صغيرة منك
العربية قالت لك امتى انها بتحبنى لانى من ساعة ما عرفت منك و انا مش قادر امسك نفسى من الفرحة
انا فعلا بحس بيها و اعصابها بتترعش لما بركب فيها و ادورها علشان تسخن الصبح
و بحس بنار الشوق و الحب جواها لما برجع بيها البيت و افتح الكبوت و المس اى حاجة جواها ريداتير موتور
و ساعات لما بشغل الراديو و انا معاها الاقيها مشغلالى اغانى فرايحى و حب
بس خايف المدام و العيال يعرفوا بالحكاية دى
فارجوك خلى الموضوع دة سر بينى و بينك علشان محدش يشك فيه و تبدأ الاسئلة و س و ج و انته بتقضى وقت طويل ليه مع الماروتى و هكذا
و انت عارف مش هخلص
و عاوز السر دة يبقى فى بير
وارجوك محدش يعرف خالص عن العلاقة بينى و بينها
و كل عام و انت بخير و عيد اضحى مبارك باذن الله عليك و على كل الاعضاء فى المنتدى