لمبة الزيت عندى بترعش بتظهر وتختفى والعربيه هاديه ولما بدوس بنزين بتختفي مع العلم ان مقياس الزيت مظبوط ولسه مغيره من مسافة 200 كم بس وبستعمل بترومين اكسترا سوبر هل اسو الرصاصي احسن منه ولا استعمل ايه كل الف كم غيار
|
طيب غيرت الفلتر ولا لا
لأن دى أهم مشكله حاليا
وهى نقص قيمة ضغط الزيت فى دايرة التزييت
|
وهل المارش يجي جديد افضل ولا استيراد واسعاره ايه؟؟
|
مفيش شك
الجديد .........جديد وأفضل
بس غالى جدا عن الأستيراد
أى مارش جديد .....ممكن يعدى معاك 1500 ج
وأى مارش أستيراد ..........بكتيره 300 ج
فماهى شكواك من مارش السياره الحالى
لدرجة أنك بتفكر فى تغييره
العربيه بتغيب فى الدواره وهى بارده وبتحتاج تسخين جامد (اكسيل 1500 اتوماتيك)
انا غيرت البوجيهات مرتين فى اسبوع مره واحد قالى هات 2 شمعه وروحت ليمانيكي تانى قالى هات بوجيهات واحد شمعه هى الافضل والنوعين كانوا ngk الياياانى ودول كانوا من آراء 2 ميكانيكيه مختلفين؟؟؟؟؟؟؟؟؟؟ منهم لله
البطارية عندى ضعيفه امبارح قطعت خالص وقومتها من بطارية تانيه هلى بتتصلح وبتتشحن ولا وجب تغييرها ولا ايه ؟ علما بانها كلوريد سائلة ؟؟؟؟ وتنصحوا اجيبها جافه ولا سائلة وايه افضل نوع وسعره لو سمحتم ؟؟
وهل المارش يجي جديد افضل ولا استيراد واسعاره ايه؟؟
|
متقدرش تحكم على سبب غياب الدواره حاليا
إلا بعد تغيير البطاريه
هاتلك واحده جافه
أرشح لك AC DELCO
أو فارتا الألمانى ( حسب المتاح أمامك )
وبالنسبه للبوجيهات
يجب الألتزام بالنوع المخصص لطراز محرك سيارتك