المشاركة الأصلية كتبت بواسطة AboNoRa
شكراُ على الردود ياجماعة
بس متنسوش ان الخبر عامة حلو من كذا جانب اولاً هيونداى احتمال كبير تخرج من سيطرة غبور كمان سنتين ... مين هياخدها الله اعلم ؟؟
|
هو الخبر مش معناه ان هيونداي بتفكر تقلش غبور
لكن هيونداي حتبطل تجمع اي عربيه بره مصانعها .. ودي قصه تانيه
غبور بالنسبه لهيونداي عامل مراكز خدمه و صيانه و محقق اعلا نسبه مبيعات في المنطقه
والاخيره دي اكيد اكتر حاجه تهم هيونداي
كون ان الناس مخنوقه منه وحاسه ان العربيه سعرها مبالغ فيه او مواصفاتها منقوصه
او ان مراكز الصيانه زحمه دي متهمش هيونداي طالما حقق التارجت اللي يهمهم
[/QUOTE]
ومن ناحية تانية ان التاتا نانو الاصلية ممكن تنزل مصر قريب ولو نزلت بسعرها الحقيقى او حتى زيادة شويه هتفيد قطاع كبير من الناس بدل العربيات المستعملة موديلات السبيعنات المتهالكة
بس المفروض العربيه سعرها يكون فى رينج 28 الف - الى - 35 الف بالكتير
طيب هتنزل بالاسعار ديه فعلاً ولا اكتر
طب لو نزلت هتقدر تنافس الماروتى اللى الناس كلها عارفها وقطع غيارها ماليه الدنيا ؟؟
[/QUOTE]
بالنسبه لتاتا فمعتقدش انه حيعتمد على النانو بس ... متهيألي لو جابها مباشره من الهند حتبقى ارخص من انه يجمعها في مصر
واعتقد انه حيركز على موديلات اكبر من تاتا زي انديجو او اريا
خصوصا انه محتاج يستمر في فئه الفيرنا لانها اكبر شريحه مبيعات في التجميع المحلي
وكمان فرصه يدخل على خط التيجو و التريوس والماهيندرا بحته تاتا محلي خصوصا ان اغلب الصيني فشل في الفئه دي
النانو لسه لحد دلوقتي بتتباع في الهند فقط ... و المفروض انها ارخص من الماروتي بكتييييير
يعني الماروتي تمنها 4500 دولار و النانو تمنها 2500 دولار
هنا المارتوي ب 38000 الف ... نسبه و تناسب يبقى النانو تمنها ميزيدش عن 22000
لكن طبعا حيقولك ده سعر الطراز الاساسي الفاضي من غير كوريك و لا اريال
و التوكيل حيزود عليها مواصفات و اوبشنز زي ولاعه السجاير وازاز امامي كهربا
و شويه الاوبشنز دول يعملو اد تمنها مره كمان فتبص تلاقيها بقت ب 45000
وحتتباع برضو علشان شكلها جديد و كلها اوبشنز و حبشتكنات مش موجوده في عربيه مستمعله بالتمن ده !!!
[/QUOTE]
مش عارف بصراحة الناس ديه ناوية على ايه[/QUOTE]
متقلقش يا ابو نورا ... الناس دي ناويالنا على نيه ..... سودا