يا أخى أنا تحت أمرك أولا
وكل سنه وأنت طيب
ثانيا
دعنا نبحر مع المشكله ببعض الأستفاضه من خلال تناوب الحديث بينى وبينك
المية بتغلى فى القربة وعداد الحرارة لا يزيد عن 90 والردياتير بيبقى بارد والكمبيوتر بيقول لى ابطل المحرك
|
مادام الكمبيوتر بيقولك الحراره عاليه تبقى هى عاليه فعلا
وممكن ميكونش سببها هواء فى دورة التبريد ( وأنا متوقع هذا )
لأنك بتقول الردياتير بيكون بارد
فهل جربت تجس حرارة جسم الخرطوم إللى رايح من وش السلندر للردياتير وتشوفها
سخنه ولا حراره ضعيفه
ونفس الوضع
للخرطوم إللى طالع من الردياتير من تحت ورايح للطلمبه
لأن
أنا كده
شاكك أن ممكن يكون عندك الثرموستات قافل الميه على الردياتير
وفى نفس الوقت عندك مشكله فى ساعة الحراره
لأن العداد بيديك قراءه 90 درجه مئويه على الرغم أن الكمبيوتر بيقولك
فيه مشكلة حراره
_________________________
وغالبا حتلاقى طلمبة الميه عندك مشموله مع مجموعة الكاتينه
ومداريه بحافظة سير الكاتينه
مثل معظم السيارات التى تحتوى على سير كاتينه من النوع الكاوتش